Victorino Gutiérrez

Victorino Gutiérrez
Biografía
Nacemento	(es) Victorino Gutiérrez Aller ; 3 de abril de 1937 ; Lalín, España
Morte	18 de xullo de 2024 (87 anos); Lalín, España
Datos persoais
País de nacionalidade	España
Educación	Universidade de Santiago de Compostela
Actividade
Ocupación	notario , escritor
Lingua	Lingua galega e lingua castelá

Victorino Gutiérrez Aller, nado en Lalín o 3 de abril de 1937^[1] e finado no mesmo concello o 18 de xullo de 2024, foi un notario e escritor galego.

Traxectoria

Fillo do avogado Román Gutiérrez Rodríguez e sobriño de Ramón María Aller. Estudou Dereito na Universidade de Santiago de Compostela. Fíxose notario en 1969. Empezou a súa carreira profesional en Forcarei, e despois pasou por Celanova e Arzúa; dende 1983 foi notario de Lalín ata a súa xubilación en abril de 2007.

Foi socio fundador da Asociación Cultural Deza. Distinguiuse polo impulso ao emprego do galego no ámbito xurídico, sendo autor do Formulario notarial publicado en 1998 pola Real Academia Galega, e de Réxime económico-familiar e sucesorio na Lei de dereito civil de Galicia. Membro da Asociación de Funcionarios pola Normalización Lingüística dende 1984, participou na Comisión Redactora da Lei do Dereito Civil de Galicia.

Finou en Lalín o 18 de xullo de 2024.^[2]

Obras

Ensaio

Réxime económico-familiar e sucesorio na Lei de dereito civil de Galicia, 1997.
Formulario notarial, 1998.

Narrativa

Acta de vítimas, 2016.

Obras colectivas

Contos da xustiza, 1992.

Recoñecementos

Premio San Martiño de normalización lingüística (1993)
Premio Lois Peña Novo (1998)^[3]
Foi nomeado Fillo ilustre de Lalín en 2016.

Notas

Véxase tamén

Bibliografía

Santorum, Gracia (2009). Dicionario de escritores de Deza. A Estrada: Fervenza. p. 52. ISBN 978-84-96368-00-2.

[1] Victorino Gutiérrez Aller será nombrado Hijo Ilustre el día 21

[2] Falece o prestixioso xurista Victorino Gutiérrez Aller

[3] Os premios Lois Peña Novo recoñecen o uso do galego nun acto en Soutomaior

[1]

[2]

[3]