Verderolo serrano

Na Galipedia, a Wikipedia en galego.
Saltar ata a navegación Saltar á procura
Verderolo serrano
Carduelis citrinella -Plateau de Beille, Ariege, Midi-Pyrenee, France-8 (2).jpg
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Passeriformes
Familia: Fringillidae
Xénero: 'Serinus'
Especie: ''C. citrinella''
Nome binomial
'Carduelis citrinella'
(Pallas, 1764)
Sinonimia

Carduelis citrinella

O verderolo serrano[2] (antes Serinus citrinella e agora Carduelis citrinella) é unha especie de ave paseriforme da familia dos frinxílidos (Fringillidae), que se distribúe polas montañas da Europa central e meridional.[3][4][5][6] Está presente en Galicia, mais lixeiramente ameazada pola destrución do seu hábitat e a súa recolección e a súa poboación mundial cífrase entre 475.000 e 600.000 exemplares.[7]

Taxonomía[editar | editar a fonte]

Inicialmente atribuído ao xénero Serinus porén posteriormente propúxose o seu traslado, sobre a base de estudos de filoxenia molecular, a Carduelis. Aínda os diferentes autores non están de acordo sobre en que xénero debe situarse.[8][9] Serinus corsicanus ou Carduelis corsicana, que se distribúe por Córsega e Sardeña era antes considerada parte desta especie.

Descrición[editar | editar a fonte]

O macho no verán, de cor verde amarelado no peito, posúe un dorso verde de tonalidade máis apagada. O seu tamaño, pequeno, é de aproximadamente 12 cm de lonxitude, 19 de envergadura e pesa ao redor de 14 g.[10]

Trátase dunha ave gregaria, que aparece frecuentemente no chan ou en árbores, alimentándose de sementes. O seu voo, lixeiro e rápido, posúe ondulacións vigorosas. Aniña de maio a xullo pondo 4 ovos nunha ou dúas niñadas. O niño está tapizado de herba e peluxe vexetal. A súa distribución é europea (norte de España, sur de Francia e Alpes). Amosa preferencia polos bosques de montaña, especialmente de faias, piñeiros e abetos.

Notas[editar | editar a fonte]

  1. BirdLife International (2012). "Carduelis citrinella". Lista Vermella de especies ameazadas. (en inglés). Unión Internacional para a Conservación da Natureza. 
  2. Nomes galegos para as aves ibéricas: lista completa e comentada, Chioglossa, 1 (1999): 121-138 Lista de las aves de España (ES-EN-CT-GL-EU). Sociedad Española de Ornitología, 2005
  3. Catalogue of Life consultado el 1 de abril de 2013
  4. Arnaiz-Villena, A.; Álvarez-Tejado, M.; Ruiz-del-Valle, V.; García-de-la-Torre, C.; Varela, P.; Recio, M. J.; Ferre.
  5. "El Origen de los Canarios" (PDF). 
  6. "Phylogeny and rapid Northern and Southern Hemisphere speciation of goldfinches during the Miocene and Pliocene Epochs." (PDF). 
  7. Ficha no Atlas de las aves reproductoras de España, Ministerio de Medio Ambiente de España
  8. Zoonomen. "Birds of the World -- current valid scientific avian names.". 
  9. Cornell Lab of Ornithology. "Clement's Checklist 6.3". 
  10. Hume, Rob. Guía de campo de las aves de España y Europa. Ediciones Omega. ISBN 84-282-1317-8. 

Ligazóns externas[editar | editar a fonte]