Saltar ao contido

Vanesa Martín

Na Galipedia, a Wikipedia en galego.


Infotaula de personaVanesa Martín

(2023) Editar o valor em Wikidata
Biografía
Nacemento(es) María Vanesa Martín Mata Editar o valor em Wikidata
14 de novembro de 1980 Editar o valor em Wikidata (43 anos)
Málaga, España Editar o valor em Wikidata
Datos persoais
País de nacionalidadeEspaña Editar o valor em Wikidata
EducaciónUniversidade de Málaga (pt) Traducir - pedagoxía Editar o valor em Wikidata
Actividade
Ocupacióncantante , compositora , poetisa Editar o valor em Wikidata
Período de actividade2006 Editar o valor em Wikidata -
Xénero artísticoPop latino Editar o valor em Wikidata
LinguaLingua castelá Editar o valor em Wikidata
TesituraContralto Editar o valor em Wikidata

InstrumentoVoz, piano e guitarra Editar o valor em Wikidata
Premios

Páxina webvanesamartin.es Editar o valor em Wikidata
IMDB: nm4244484 Facebook: vanesamartinoficial Twitter: vanesamartin_ Instagram: vanesamartin_ BNE: XX4435209 Spotify: 5kSJMVPcTITrSZxTrHllVN Musicbrainz: 6ad51e23-612a-4c58-93b5-c9dab61e4926 Songkick: 2081878 Discogs: 2615639 Genius: Vanesa-martin Editar o valor em Wikidata

Vanesa Martín Mata, nada en Málaga o 14 de novembro de 1980, é unha cantante e compositora de música pop-rock española. É unha das cantautoras máis destacadas do panorama musical español con máis de 500 000 copias vendidas ao longo da súa carreira e cun Premio Cadena Dial.

Traxectoria[editar | editar a fonte]

A súa paixón pola música comezou cando, aos seis anos, o seu pai lle regalou o seu primeiro instrumento, unha guitarra coa que empezou a compoñer as súas primeiras cancións.

Despois de estudar maxisterio e pedagoxía na Universidade de Málaga trasladouse a Madrid en 2003 para dar os seus primeiros pasos no mundo da música e comezou a tocar en bares ata que asinou un contrato con EMI Music Spain.

En 2006 editou o seu primeiro álbum, Agua, producido por Carlos Jean. A reedición do mesmo contén unha versión do tema «Durmiendo Sola» a dúo con David DeMaría e a canción «Lluvia». Ademais de publicar este álbum, estes primeiros anos compuxo cancións diferentes artistas, entre eles India Martínez e Pastora Soler.

En 2009 saíu á venda o seu segundo álbum Trampas, producido por Bob Benozzo. Na reedición deste álbum incluíue o DVD do concerto no Teatro Cervantes de Málaga celebrado o 21 de marzo e a curtametraxe «Perdiendo el equilibrio».

En febreiro do ano 2012 publicou o seu terceiro álbum, Cuestión de Piel, que incluíu colaboracións con Malú, Pablo Alborán e Chambao, e en setembro de 2014 saíu o seu cuarto álbum, Crónica de un baile, composto por 14 cancións como «Sin saber porqué».

Para o título do seu quinto álbum escolleu Munay, que ten un significado especial para ela,[1] xa que representa para a cantautora o amor a moitos nivei. Estreouse o 18 de novembro de 2016 coa canción «Complicidad».

O seu álbum de 2018, titulouse Todas las mujeres que habitan en mí e trátase dunha homenaxe a todas as mulleres que a inspiran tanto no mundo da música como na súa vida en xeral.

Notas[editar | editar a fonte]

  1. "Vanesa Martín". CADENA100 (en castelán). 2017-02-28. Consultado o 2019-05-14. 

Véxase tamén[editar | editar a fonte]

Ligazóns externas[editar | editar a fonte]