Uladzimir Tarasievič

Na Galipedia, a Wikipedia en galego.
Saltar ata a navegación Saltar á procura
Уладзімір Тарасевіч
(Uladzimir Tarasievič)
Bispo da Igrexa católica bizantina belarusa
Biografía
Nacemento27 de novembro de 1921 en Kliešniaki, voivodato de Nowogródek, Polonia (hoxe Belarús)
Pasamento2 de xaneiro de 1986 en Chicago, Estados Unidos de América
Ordes
Ordenación sacerdotal26 de maio de 1949
Consagración episcopal8 de setembro de 1983, por Inokentii Lototskyi
Visitador apostólico para os grecocatólicos belarusos no exterior
Bispo titular de Mariamme
1983 - 1986
PredecesorČaslaŭ Sipovič
SucesorAliaksandr Nadsan
Outros
Ficha en catholic-hierarchy.org

Uladzimir Tarasievič (en belaruso: Уладзімір Тарасевіч), nado o 27 de novembro de 1921 en Kliešniaki (voivodato de Nowogródek, Polonia; hoxe Belarús) e finado o 2 de xaneiro de 1986 en Chicago (Estados Unidos de América), foi un bispo grecocatólico belaruso, visitador apostólico para os fieis belarusos no exterior dende 1983 até o seu pasamento.

Traxectoria[editar | editar a fonte]

Naceu nunha familia católica en Kliešniaki, preto de Hrodna, o 27 de novembro de 1921.[1] Pouco antes de comezar a Segunda Guerra Mundial emigrou aos Estados Unidos de América xunto co seu tío, Janka Tarasievič.[1] Alí estudou no seminario e no St. Procopius College en Lisle.[1] En 1944 entrou na Orde de San Bieito,[1] e aos vinte e sete anos, o 26 de maio de 1949, foi ordenado sacerdote da devandita orde.[1]

En 1950 graduouse pola Universidade Católica de América,[1] e continuou os seus estudos en Roma, no Pontificio Instituto Oriental e na Pontificia Universidade Gregoriana,[1] doutourándose en Teoloxía en 1958.[1] Posteriormente estivo encargado até a súa morte da parroquia grecocatólica belarusa do Cristo Salvador en Chicago,[1] sendo elevado en 1975 ao rango de arquimandrita.[1] Ao pouco de volver aos Estados Unidos, o 24 de abril de 1959 dirixiu unha oración no Congreso dos EUA polo pobo belaruso.[1]

O 1 de xullo de 1983 foi nomeado bispo titular de Mariamme e visitador apostólico para os grecocatólicos belarusos no exterior.[1] Recibiu a consagración episcopal o 8 de setembro de 1983 de mans do bispo de San Nicolao de Chicago Inokentii Lototskyi.

Finou o 2 de xaneiro de 1986,[1][2] e sucedeuno como visitador apostólico Aliaksandr Nadsan.[3][4][5]

Notas[editar | editar a fonte]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Языковіч, Ларыса Уладзіміраўна (2001). "ТАРАСЁВІЧ. Уладзімір". Рэлігія і царква на Беларусі: Энцыклапедычны даведнік (en belaruso). Беларуская энцыклапедыя. p. 323. 
  2. "Obituary" (PDF). St. Peter's Abbey Newsletter 9 (3): 14. inverno 1985-1986. 
  3. Fede e martirio: le Chiese orientali cattoliche nell'Europa del Novecento: atti del Convegno di storia ecclesiastica contemporanea. Libreria Editrice Vaticana. 2003. p. 62. ISBN 9788820927837. 
  4. Stępień, Stanisław (1994). Polska-Ukraina, 1000 lat sąsiedztwa 2. Południowo-Wschodni Instytut Naukowy. p. 177. 
  5. Michalak, Henryk Stanisław; Spodenkiewicz, Paweł (1991). Colloquium narodów: materiały z Sympozjum "Litwini, Białorusini, Ukraińcy, Polacy - Przesłanki Pojednania", Łódź, październik 1987. Nakł. Tomasza Filipczaka. p. 30. ISBN 9788300034819. 

Véxase tamén[editar | editar a fonte]

Bibliografía[editar | editar a fonte]

  • Kipelʹ, Vitaŭt (1999). Belarusans in the United States. University Press of America. ISBN 9780761813064. 

Ligazóns externas[editar | editar a fonte]


Dignidades da Igrexa católica
Predecesor:
Časlaŭ Sipovič
 Visitador apostólico dos fieis grecocatólicos belarusos no exterior 
1983 - 1986
Sucesor:
Aliaksandr Nadsan