Para determinar os grupos da fase preliminar realizouse un sorteo dos equipos clasificados. Estes foron repartidos en catro bombos distintos de tres cada un de acordo á súa posición na clasificación mundial de FIBA (entre parénteses na táboa). [4]
O sorteo celebrouse o 19 de marzo de 2024 na sede da FIBA, na localidade suíza de Mies, e contou coa presenza dos exxogadores Carmelo Anthony e Penny Taylor para asistir no seu desenvolvemento.[5] O sorteo dispuxo os tres grupos (A, B e C) de catro equipos cada un, coas seguintes limitacións: en cada grupo debía haber un máximo de tres equipos europeos, mentres que non podía haber máis de un para o resto dos continentes.[5]
Os oito equipos clasificados a cuartos de final distribuiranse en catro bombos: D, E, F e G. Estes estarán formados da seguinte maneira:
O bombo D estará composto polos dous mellores equipos que ocuparon a primeira posición nos seus grupos.
O bombo E estará composto polo terceiro mellor de entre os primeiros e o mellor equipo de segunda posición.
O bombo F estará composto polos dous equipos restantes de segunda posición.
O bombo G estará composto polos dous mellores equipos que ocuparon a terceira posición.
Os cuartos de final determinaranse mediante un sorteo a realizar o 3 de agosto, unha vez rematada a fase preliminar de grupos. Os seguintes principios aplicarán ao sorteo:
Os equipos do bombo D enfrontarán a equipos do bombo G, mentres que os do bombo E cruzarán cos do bombo F.
Os equipos que xogaran nun mesmo grupo durante a fase preliminar non poden enfrontarse en cuartos.[6][7]