Todd Haynes

Todd Haynes
Haynes no Festival de Tribeca (2009)
Nacemento	2 de xaneiro de 1961 (62 anos)
Lugar	Os Ánxeles (California)
Nacionalidade	Estados Unidos
Relixión	ateísmo
Educado en	Universidade Brown, Bard College e Oakwood School, Los Angeles
Profesión	Director, produtor, guionista
Premios Outros premios New York Film Critics Circle Awards - Mellor director 2002 - Far From Heaven 2015 - Carol Independent Spirit Awards - Mellor director 2002 - Far From Heaven
Na rede
[ editar datos en Wikidata ]

Todd Haynes ([heɪnz]), nado nos Ánxeles (Estados Unidos) o 2 de xaneiro de 1961 é un director e guionista estadounidense.

Traxectoria

Haynes comezou a ter interese polo cinema moi novo, e produciu unha curtametraxe, The Suicide (1978), mentres estaba no instituto. Na Universidade Brown estudou semiótica e alí dirixiu a súa primeira curtametraxe, Assassins: A Film Concerning Rimbaud (1985), inspirada polo poeta Arthur Rimbaud. Tras graduarse marchou a Nova York, onde se involucrou no cinema independente como produtor.

Debutou na longametraxe con Poison (1991), que lle valeu recoñecemento e controversia, pola súa exploración da homosexualidade e da figura do escritor Jean Genet.

En 2002 acadou un grande éxito de crítica e público con Far From Heaven (2002), melodrama ambientado na década de 1950 inspirado polos filmes de Douglas Sirk e con Julianne Moore e Dennis Quaid como protagonistas.

En 2011 dirixiu a miniserie Mildred Pierce, baseada na novela de James M. Cain, con Kate Winslet, e en 2015 foi candidato a varios premios por Carol, con Cate Blanchett e Rooney Mara.

Filmografía

• Poison (1991)
• Safe (1995)
• Velvet Goldmine (1998)
• Far from Heaven (2002)
• I'm Not There (2007)
• Carol (2015)

Véxase tamén

Ligazóns externas

• Todd Haynes na IMDb (en inglés).