Thutmose III
  | |
| Biografía | |
|---|---|
| Nacemento | 1481 a. C. |
| Morte | c. 1425 a. C. (55/56 anos) |
| Lugar de sepultura | KV34 (pt)  |
| Faraón | |
| 1479 a. C. – 1425 a. C. ← Hatshepsut – Amen-hotep II (pt) → | |
Título real no antigo Exipto
| |
| Actividade | |
| Ocupación | estadista |
| Período | Imperio Novo de Exipto e Dinastía XVIII de Exipto |
| Outro | |
| Título | Faraón |
| Familia | Dinastía XVIII de Exipto |
| Cónxuxe | Nebtu Satiah Hatchepsut Meryt-Ra Nebsemi Menhet, Menwi and Merti Neferure |
| Fillos | Amen-hotep II (  ) Hatchepsut Meryt-RaAmenemhat ( ) SatiahNebetiunet ( ) Hatchepsut Meryt-RaMenkheperre ( ) Hatchepsut Meryt-RaSiamun ( ) Iset ( ) Hatchepsut Meryt-RaMeritamen ( ) Hatchepsut Meryt-RaBeketamun ( ) |
| Pais | Tutmés II e Iset |
| Irmáns | Neferure |
| Descrito pola fonte | Dictionary of African Biography,  Africa: An Encyclopedic Reference, (vol:2) Pequeno Dicionario Enciclopédico de Brockhaus e Efron |
 | |
Thutmose III, reinou ca. 1479 ao 1425 a.C.[1], foi o sexto faraón da XVIII dinastía do Imperio Novo, considerado un dos máis grandes gobernantes do Antigo Exipto.
Traxectoria
[editar | editar a fonte]Thutmose III era fillo de Thutmose II e de Iset[2]. Ao morrer seu pai, asumiu o trono pero moi neno, exerceu o poder efectivo a Grande Esposa Real, Hatshepsut, que acabou proclamándose tamén faraón, compartindo durante vinte e dous anos teoricamente o poder, aínda que Thutmose tivo nesta época un papel secundario. Morta esta no ano 1458 a.C., iniciou a súa soberanía plena cunha campaña militar, dirixiuse cara ao Levante, para facer fronte a unha rebelión local en Kadesh, esmagando unha coalición formada por canaanitas, mitannis e a propia Kadesh , tras un alarde estratéxico, escollendo os pasos máis difíciles das montañas do Carmelo, na famosa batalla de Megiddo (1457 a.C.). Tras esta, cerca e toma a cidade, paso fundamental para o dominio de Siria e Fenicia. Asiria, Babilonia e os hititas amósanlle acatamento.
Tras estes triunfais comezos, desenvolveu múltiples vitoriosas campañas, salientando a primeira contra o imperio hurrita de Mitanni. Thutmose levou por terra a súa frota para cruzar por sorpresa o Éufrates e arrasar o país inimigo.
En varias ocasións tivo que sufocar rebelións en Siria, para o cal non dubidou en asaltar cidades e empobrecer ás poboacións privándoas do grao, que dos peiraos de Fenicia partía para Exipto, fornecendo o poderío exipcio. Tamén tivo que volver contra Mitani.
Nas derradeiras accións militares dirixiuse contra Nubia consolidando unha expansión territorial nunca acadada dende o Éufrates ata a cuarta fervenza. Foi tamén un soberano construtor, ordenou a elevación de máis de 50 templos. Salientan as súas intervencións en Karnak
Sucedeulle o seu fillo Amenhotep II..
Notas
[editar | editar a fonte]- ↑ Cline, Eric H. e O'Connor, David (2006) Thutmose III : A New Biography, University of Michigan Press, ISBN 0-472-11467-0, p. 1
- ↑ Tyldesley, Joyce (1996) Hatchepsut: The Female Pharaoh, Viking, pp.94-95.
