O corvo

Na Galipedia, a Wikipedia en galego.
(Redirixido desde "The Raven")
Saltar ata a navegación Saltar á procura

O corvo
Tenniel-TheRaven.jpg
"O corvo" describe a misteriosa visita na medianoite dun corvo a un narrador en loito, ilustrado por John Tenniel (1858).
Título orixinalThe Raven
OrixeEstados Unidos de América
LinguaInglés
Xénero(s)Poema narrativo
EditorialGalicia Urco Editora
Data de pub.Flag of the United States.svg 1845
Galicia 2008
Páxinas47
ISBNISBN 978-84-935638-1-3
TraduciónTomás González Ahola

O corvo[1] (en inglés: The Raven) é un poema narrativo escrito polo estadounidense Edgar Allan Poe. Publicado por vez primeira en xaneiro de 1845, o poema caracterízase pola súa musicalidade, linguaxe estilizada e atmosfera sobrenatural. Conta a misteriosa visita dun corvo parlante a un amante angustiado, trazando a lenta caída do home cara a tolemia. O amante, a miúdo identificado como un estudante,[2][3] láiase pola morte do seu amor, Lenore. Sentado no busto de Palas, o corvo semella angustiar aínda máis ó protagonista coa súa constante repetición da palabra "Nevermore" (Nunca máis). O poema emprega referencias folclóricas, mitolóxicas, relixiosas e clásicas.

Poe afirmou ter escrito o poema de xeito lóxico e metódico, coa intención de crear un poema que atraese os gustos críticos e populares, como explicou nun ensaio de 1846, "The Philosophy of Composition". O poema foi inspirado en parte polo corvo parlante da novela Barnaby Rudge: A Tale of the Riots of 'Eighty de Charles Dickens.[4] Poe usa o ritmo complexo e a métrica do poema de Elizabeth Barrett "Lady Geraldine's Courtship", e usa a rima interna e a aliteración.

"O corvo" foi atribuído a Poe de maneira impresa en New York Evening Mirror o 29 de xaneiro de 1845. A súa publicación deulle popularidade a Poe na súa vida, aínda que non lle retribuíu moito éxito financeiro. O poema axiña foi reimpreso, parodiado e ilustrado. A opinión crítica está dividida en canto ó status literario do poema, aínda que segue a ser un dos poemas máis famosos xamais escritos.[5]

Foi traducido ó galego por Tomás González Ahola[6] e foi publicado por Urco Editora no ano 2008.[1]

Notas[editar | editar a fonte]

  1. 1,0 1,1 O corvo. Traducido por Tomás González Ahola (1ª ed.). Santiago de Compostela: Urco Editora. 2008. ISBN 978-84-935638-1-3 – vía BiTraGa. 
  2. Meyers, 163
  3. Silverman, 239
  4. Kopley & Hayes, 192
  5. Silverman, 237
  6. Urco Editora (ed.). "O corvo por Urco Editora". Consultado o 18 de xullo de 2019.