The Maltese Falcon (filme de 1941)

Na Galipedia, a Wikipedia en galego.
The Maltese Falcon
Ficha técnica
Director John Huston
Produtor Hal B. Wallis
Guión John Huston
Baseado en The Maltese Falcon, de Dashiell Hammett
Intérpretes Humphrey Bogart
Mary Astor
Peter Lorre
Música Adolph Deutsch
Fotografía Arthur Edeson
Montaxe Thomas Richards
Estudio Warner Bros.
Estrea 3 de outubro de 1941
Duración 100 min
Orixe Estados Unidos de América Estados Unidos
Xénero Cinema negro
Orzamento 375 000 $

The Maltese Falcon é un filme de xénero negro estadounidense dirixido por John Huston en 1941. Está baseado na novela homónima de Dashiell Hammett, protagonizada polo detective Sam Spade e supuxo o debut no cinema do seu director.

O filme supuxo a terceira adaptación cinematográfica da novela, trala versión de 1925, con Ricardo Cortez e Satan Met a Lady (1936), con Warren Williams e Bette Davis.

Argumento[editar | editar a fonte]

En 1539 os Cabaleiros Templarios de Malta pagan ao emperador Carlos V un tributo cunha estatua que representa un falcón, pero a figura desaparece por culpa dos piratas.

1941. En San Francisco os detectives Sam Spade e Miles Archer atenden unha clienta, Ruth Wonderly, que di buscar á súa irmá, que ten unha relación cun home chamado Floyd Thursby. Wonderly está citada con Thursby e Archer decide seguilos. Esa noite Archer morre asasinado.

Ao día seguinte Spade atopa a Wonderly, que agora se fai chamar Brigid O'Shaughnessy e que lle di que probablemente Thursby matara a Archer.

No seu despacho Spade coñece a Joel Cairo, que lle ofrece 5 000 dólares por atopar unha antiga figura con forma de ave. Ese mesmo día descóbrese que O’Shaughnessy e Cairo están relacionados.

Personaxes[editar | editar a fonte]

O MacGuffin[editar | editar a fonte]

A figura do falcón é considerada como un clásico Macguffin, un asunto que motiva as actuacións das personaxes, pero que na práctica ten pouca importancia no argumento.

Galardóns e nomeamentos[editar | editar a fonte]

O filme foi candidato ao oscar en tres categorías: mellor película, mellor guión adaptado e mellor actor secundario (Sydney Greenstreet).

Véxase tamén[editar | editar a fonte]

Ligazóns externas[editar | editar a fonte]