Teresa Táboas
| Teresa Táboas | |
|---|---|
 | |
| Nacemento | 1961 |
| Lugar de nacemento | Cidade de México |
| Nacionalidade | México e España |
| Alma máter | Universidade Nacional Autónoma de México |
| Ocupación | arquitecta e política |
| [ editar datos en Wikidata ] | |
María Teresa Táboas Veleiro, nada en Cidade de México en 1961, é unha arquitecta e política galega. Foi Conselleira de Vivenda e Solo da Xunta de Galicia entre 2005 e 2009.
Traxectoria[editar | editar a fonte]
Naceu na Cidade de México no ano 1961, filla de emigrantes ourensáns do Carballiño e Beariz.[1] Táboas é a maior de catro irmáns.[2]
Pasadas as primeiras etapas de estudo, inclinouse pola Arquitectura, tendo a Luis Barragán como mestre. Rematada a carreira, volta á terra dos seus pais na que traballa durante seis anos no estudio de César Portela, traballando durante dous anos no concello de Marín.[3]
En 1990 independízase do estudo de Portela fundando un estudio de seu,[4] o Teresa Táboas Estudio de Arquitectura, dende o que vén desenvolvendo numerosos proxectos de Edificación e Urbanismo.
Obtivo o doutoramento cunha tese de doutoramento dirixida polo arquitecto César Portela Fernández-Jardón titulada El Color en Arquitectura.
Entre 1999 e 2003 foi presidenta da delegación pontevedresa do Colexio Oficial de Arquitectos de Galicia, sendo elixida o 15 de maio do 2003 a primeira muller presidenta-decana do COAG.[5] Tamén forma parte como conselleira do Consello Superior dos Arquitectos Españois, sendo a segunda muller que ocupa este cargo dende que se fundou a institución en 1931. Pertence a 2 comisións consultivas do Parlamento Europeo en representación de España, unha delas sobre arquitectura sostíbel.[6] Deputada da VIII Lexislatura do Parlamento de Galicia,[7] ocupou a consellería de vivenda da Xunta de Galicia entre 2005 e 2009.
En 2021 entra a formar parte do Consello da Unión Internacional de Arquitectos (UIA).[8]
Vida persoal[editar | editar a fonte]
É nai de dous fillos.[2]
Notas[editar | editar a fonte]
- ↑ "María Teresa Táboas Veleiro, conselleira de Vivenda e Solo". Arquivado dende o orixinal o 22 de outubro de 2009. Consultado o 22 de decembro de 2007.
- ↑ 2,0 2,1 "Unha doutora en Arquitectura que entrou en política para traballar polo seu país" Arquivado 14 de xuño de 2012 en Wayback Machine., artigo en La Voz de Galicia, 16 de febreiro de 2009.
- ↑ "Hai unha desnaturalización do patrimonio municipal a través do planeamento urbano" Arquivado 29 de setembro de 2012 en Wayback Machine., artigo en Faro de Vigo.
- ↑ "Teresa Táboas, una vida en color". Arquivado dende o orixinal o 17 de xullo de 2011. Consultado o 22 de decembro de 2007.
- ↑ Decanos-presidentes do Colexio Oficial de Arquitectos de Galicia
- ↑ Teresa Táboas abre as festas da Peregrina[Ligazón morta]
- ↑ "VIII Lexislatura" (PDF). Parlamento de Galicia.
- ↑ "Teresa Táboas entra no Consello da Unión Internacional de Arquitectos". Nós Diario. Consultado o 2021-08-03.
| Predecesor: Consellería de nova creación |
 Conselleira de Vivenda 2005-2009 |
Sucesor: Consellería desaparecida |
