Steven Anthony Ballmer, máis coñecido como Steve Ballmer, nado o 24 de marzo de 1956, é un empresario norteamericano e o director executivo da empresa informática Microsoft Corporation. Relevou nese posto a Bill Gates o 27 de xuño de 2008. Está na lista anual da revista Forbes cunha fortuna persoal de polo menos 14.5 mil millóns de dólares estadounidenses. Atópase no número 46 das persoas máis ricas do mundo segundo a lista de 2011 da revista Forbes. En 2012 a mesma revista listou os 5 peores Directores executivos (CEO) a nivel mundial e Steve Ballmer de Microsoft encabeza a lista pola súa incompetencia para dirixir a compañía e polos erros que cometeu.[1]
