Sandro Rosell

Sandro Rosell
Nome completo	Alexandre Rosell i Feliu
Nacemento	6 de marzo de 1964
Lugar de nacemento	Barcelona
Nacionalidade	España
Alma máter	Esade, Institut Escola Costa i Llobera e ESADE Business School
Ocupación	emprendedor e empresario
Pai	Jaume Rosell i Sanuy
Na rede
	http://www.sandrorosell.cat
	[ editar datos en Wikidata ]
	v; c; e;

Alexandre Rosell i Feliu, coñecido como Sandro Rosell, nado en Barcelona o 6 de marzo de 1964, é un empresario catalán que foi presidente do Futbol Club Barcelona entre 2010 e 2014.

Traxectoria[editar | editar a fonte]

É diplomado en Ciencias Empresariais e MBA por ESADE. Empezou a súa vida profesional na empresa Myrurgia, pasando posteriormente ao departamento de mercadotecnia internacional do Comité Organizador dos Xogos Olímpicos de Barcelona'92 (COOB 92). Foi vicepresidente do Futbol Club Barcelona entre 2003 e 2005. É propietario da empresa Bonus Sports Mercadotecnia, S.L. (BSM) dedicada á mercadotecnia deportiva.

Convértese no 39º presidente do Futbol Club Barcelona o 1 de xullo de 2010, logo de gañar as eleccións cun 61,35% de votos dos socios do club. Durante a súa presidencia o equipo conseguiu dúas Ligas (2010-11, 2012-13), unha Copa do Rei (2011-12), tres Supercopas de España (2010, 2011, 2013), unha Liga de Campións (2010-11), unha Supercopa de Europa (2011) e un Mundial de Clubs (2011).

O 23 de xaneiro de 2014, Sandro Rosell renuncia ao seu cargo pola admisión a trámite do xuíz Ruz da querela por apropiación indebida en modalidade de distracción e por simulación contractual no traspaso de Neymar.^[1] Foi substituído no cargo polo entón vicepresidente do club, Josep Maria Bartomeu.