San Vitoiro de Ribas de Miño, O Saviñao

San Vitoiro de Ribas de Miño
	Igrexa parroquial de San Vitoiro
Concello	O Saviñao
Provincia	Lugo
Coordenadas	42°40′07″N 7°42′42″O / 42.66861496, -7.71170245
Poboación	112 hab. (2022)
Entidades de poboación	19
	[ editar datos en Wikidata ]

Para outras páxinas con títulos homónimos véxase: Ribas de Miño.

San Vitoiro de Ribas de Miño é unha parroquia do concello do Saviñao na comarca de Terra de Lemos, na provincia de Lugo. Segundo o IGE,^[2] en 2022 tiña 112 habitantes (61 homes e 51 mulleres).

Historia

Os límites da parroquia determináronse en comparecencia veciñal o 13 de marzo de 1753 ante o xuíz Rafael de Queiruga. No correspondente documento aparecen determinados os límites. Unha terceira parte da parroquia, como a entidade de Porto, quedou anegada polo río Miño coa construción do encoro de Belesar.

Demografía

Gráfica de evolución demográfica de San Vitoiro de Ribas de Miño entre 2000 e 2020

Datos segundo o IGE.^[3]

Socioeconomía

Xunto á gandería vacúa e de subsistencia e a agricultura, a produción de viño é unha das principais actividades en San Vitoiro, ó estar localizada na zona amparada para a produción de viño con Denominación de Orixe Ribeira Sacra, concretamente na subzona Ribeiras do Miño.

Patrimonio

Nesta parroquia, como noutras da Ribeira Sacra, hai expoñentes da románica galega.

A igrexa parroquial de San Vitoiro é de estilo románico do último cuarto do século XII, semellante ó de Santo Estevo de Ribas de Miño, que consta de nave e ábsida rectangulares, con arco triunfal de medio punto e columnas salomónicas, á que se engadiu a sancristía. Destaca principalmente pola súa fachada principal con tres arquivoltas que descansan sobre columnas de fustes lisos.

O santuario de Guadalupe, situado no monte da Capela, data do século XVIII.

A casa grande de Pacios é unha construción civil do século XVII. A casa de Abadía é unha construción civil dos séculos XV e XVI.

A capela de Porto, de posible orixe románica, sitúase en Porto, na actualidade anegada polo encoro de Belesar. Consérvanse na igrexa parroquial algunhas das súas tallas, esculpidas entre os séculos XVI e XVII.

Festas

A primeira fin de semana de setembro celébrase no campo da festa da Abadía a romaría da Virxe de Guadalupe.

Galería de imaxes

Igrexa de San Vitoiro de Ribas de Miño.
Igrexa de San Vitoiro de Ribas de Miño.
Portada da igrexa.
Porta Lateral norte.

Lugares e parroquias

Lugares de San Vitoiro de Ribas de Miño

Lugares da parroquia de San Vitoiro de Ribas de Miño no concello do Saviñao (Lugo)
A Abadía \| Os Amieiros \| A Cerca \| Os Corgos \| A Corredoira \| Filgueiro \| As Fontelas \| Gudiós \| A Lama \| Liñares \| Montegrande \| Pacios \| A Pereira \| A Reboira \| O Regato \| Susavila \| Taíz \| O Troncedo \| O Val

Parroquias do Saviñao

Galicia | Provincia de Lugo | Parroquias do Saviñao

Notas

↑ ^1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
↑ "Instituto Galego de Estatística, consulta do nomenclátor". Xunta de Galicia.
↑ "Instituto Galego de Estatística, consulta do nomenclátor". Xunta de Galicia. Arquivado dende o orixinal o 30 de decembro de 2020. Consultado o 28 de marzo de 2022.

Véxase tamén

Outros artigos

Lugares do Saviñao

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[2] "Instituto Galego de Estatística, consulta do nomenclátor". Xunta de Galicia.

[3] "Instituto Galego de Estatística, consulta do nomenclátor". Xunta de Galicia. Arquivado dende o orixinal o 30 de decembro de 2020. Consultado o 28 de marzo de 2022.

[1]

[2]

[3]