Saint Helier

Saint Helier

Saint Hélyi (nrf-je)
(2013)
Localización
49°11′09″N 2°06′36″O
Dependencia da Coroa británica	Jersey
Capital de	Jersey
Poboación
Poboación	33.522 (2011) (3.162,45 hab./km²)
Xeografía
Superficie	10,6 km²
Comparte fronteira con	Saint Saviour (en) Saint Lawrence (en) Saint Clement (en) Saint John (en)
Organización política
• Xefe do goberno	Alan Simon Crowcroft (en)
Identificador descritivo
Código postal	JE2
Fuso horario	Tempo Medio de Greenwich
Outro
Irmandado con	Avranches (1982–) Bad Wurzach (2002–) Funchal (2008–)
Páxina web	sthelier.je

Saint Helier é unha cidade e capital da Illa de Jersey, pertencente ao Reino Unido. É a cidade máis grande da Illa de Jersey e das Illas da Canle. Saint Helier ten sobre 33.500 habitantes, o 34,2 % dos habitantes da illa. A área urbana de Saint Helier fai que sexa a cidade máis grande da illa. Unha gran parte da superficie de Saint Helier é rural.

A parroquia de Saint Helier ten unha superficie de 10,6 km², o 9% da superficie total da illa.

O símbolo de Saint Helier (na bandeira e no escudo) son dúas machadas douradas nun fondo azul. O azul simboliza a area da illa e as machadas simbolizan o mártir de Helier a mans dos Saxóns.

Etimoloxía

O nome de Saint Helier vén de Helier (ou Helerius), un ermitán ascético do século VI martirizado no ano 555. O día da festa de Helier, marcada por unha peregrinación municipal anual á ermida de Helier, é o 16 de xullo.

Historia

A Ermida de Saint Helier atópase na baía de Saint Helier

Século XVIII

Ata o final do século XVIII, a cidade consistía principalmente nunha cadea de casas, tendas e almacéns ao longo dunhas dunas costeiras ao lado da Igrexa de Saint Helier e o mercado adxacente (dende 1751, na Praza Real). La Cohue (pazo de xustiza) estaba nun lado da praza, agora reconstruída como o Tribunal Real e Cámara dos Estados Unidos (chamada colectivamente o Edificio dos Estados).

Xurxo II daba 200£ para a construción dun porto novo. Unha estatua do rei feita por John Cheere era erixida na praza en 1751 en agradecemento, e o mercado era renomeado co nome Royal Square, aínda que o nome que permaneceu foi Lé Vièr Marchi (o mercado vello).

Debido as ameazas militares de Francia, houbo unha construción dunha fortaleza de cidadela, Fort Regent, na Mont de la Ville, dominando a cunca superficial de Saint Helier.

Século XIX

No ano 1820, a paz con Francia e as mellores comunicacións por barcos de vapor e ferrocarrís a portos costeiros impulsaban unha afluencia de falar inglés aos residentes da illa.

Na segunda metade do século XIX, centos de camións con patacas e outros produtos de exportación necesitaban acceso ao porto. Isto impulsaba un programa de ensancharse as estradas do centro de cidade. A presión para a reconstrución dos edificios do centro que complicaban ao ancheamento das estradas, significou que moi poucos edificios permanecesen no centro da cidade.

Século XX

No ano de 1970, iniciábase un programa de peonalización na cidade.

En 1995, para celebrar o 50º aniversario da liberación da Illa de Jersey da ocupación nazi, e deste xeito 50 anos de paz, unha escultura era erixida no que agora é chamada "Praza de Liberación", diante do Hotel Pomme d'Or, o punto focal para as celebracións cando a illa era liberada.

En 1997, era sede dos Xogos das illas.

Xeografía

A cidade atópase no costa sur da illa, ao carón da baía de Saint Helier,

Clima

Datos climáticos para St Helier, Illa de Jersey
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Anual
Media máxima en °C	9,5	9,7	10,9	13,2	16,6	19,2	21,1	21,2	19,3	15,7	11,9	10,4	14,9
Media mínima en °C	4,3	4,0	5,4	6,6	9,4	11,8	14,0	14,4	12,9	10,6	7,4	5,5	8,9
Precipitación media mm	90,4	73,6	70,8	54,4	52,0	48,6	37,0	45,6	70,3	92,2	107,9	110,5	853,3
Media de días con precipitacións (≥ 0.2 mm)	19,0	15,9	16,3	13,3	12,2	10,7	9,9	10,1	13,3	17,0	19,2	19,5	176,4
Fonte: Organización Meteorolóxica Mundial (ONU)

Demografía

Segundo o censo de 2011, Saint Helier ten unha poboación de 33522 habitantes.

Ano	Poboación	±%
1991	28,123	—
1996	27,523	−2.1%
2001	28,310	+2.9%
2011	33,522	+18.4%

Administración

Casa do concello de Saint Helier

A cidade está dividida en Vingtaines (en francés: grupo de vinte):

• A Vingtaine de la Ville
  • Cantón de Bas de la Vingtaine de la Ville
  • Cantón de Haut de la Vingtaine de la Ville
• A Vingtaine du Rouge Bouillon
• A Vingtaine de Bas du Mont au Prêtre
• A Vingtaine de Haut du Mont au Prêtre
• A Vingtaine du Mont à l'Abbé
• A Vingtaine du Mont Cochon

Para as eleccións da cidade, a parroquia está dividida en 4 distritos:

• St. Helier N. 1 (A Vingtaine de la Ville) - 3 diputados
• St. Helier N. 2 (A Vingtaine de Bas du Mont au Prêtre e a Vingtaine de Haut du Mont au Prêtre) - 3 deputados
• St. Helier N. 3 (A Vingtaine du Rouge Bouillon e a Vingtaine du Mont à l'Abbé)*
• St. Helier N. 4 (A Vingtaine du Mont Cochon)*

* - Os distritos N. 3 e N. 4 combinan os seus votos e elixen entre os dous distritos catro deputados.

Policía honorífica de Saint Helier

Artigo principal: Policía honorífica da Illa de Jersey.

Saint Helier, como todas as parroquias da Illa de Jersey ten unha forza da Policía honorífica da Illa de Jersey.

A policía honorífica de Saint Helier ten como misión a protección dos habitantes de Saint Helier, a protección dos eventos oficiais e festas de Saint Helier e a protección do condestábel e os funcionarios do concello de Saint Helier.

Política

A organización política do concello organízase nun alcalde (condestábel) e 10 deputados representando ós diferentes distritos da parroquia.

Lugares de interese

Mercado central de Saint Helier

Hai moitos lugares de interese declarados polo goberno da Illa de Jersey, na cidade destacan diversas esculturas, fontes, igrexas, praias e edificios emblemáticos.

Mercado central e o Mercado de Beresford

O Mercado central de Saint Helies, na rúa Beresford, é un mercado de interior aberto no ano 1882. Presenta arquitectura vitoriana incluíndo estruturas de fundición, e unha fonte decorativa no centro. O mercado vende flores, froita, e verduras, así como tendas pequenas e cafés. É un importante centro de turismo .

O Mercado Beresford é un mercado ao lado do mercado central (noutro edificio) tamén vende pescados.

Teatro da Ópera de Jersey

Artigo principal: Teatro da Ópera de Jersey.

Ópera de Jersey

O Teatro da Ópera de Jersey é un teatro en activo situado na Vingtaine de la Ville, en Saint Helier. O teatro está administrado polo goberno de Jersey pero está manexado polo Jersey Opera House Limited.

O edificio actual é unha reconstrución de 1922 sobre un edificio de 1900 de Adolphus Curry (1848-1910). Ten unha capacidade de 625 persoas. En 1997, o teatro pecha para facer unha reforma e volve a estar activo no ano 2000.

Aeroporto

Preto de Saint Helier atópase único aeroporto da illa, o Aeroporto de Jersey. O aeroporto ten voos a Dublín, Frankfurt, Londres, Illa de Man, Funchal, Düsseldorf, Guernsey, Xenebra, Palma de Mallorca, París, Ámsterdam, Bristol ou Cardiff.

Cidades irmás

• Funchal

Galería de Imaxes

• 
  Un dos portos de Saint Helier
• 
  Catedral de Saint Helier
• 
  Oficina de turismo de Saint Helier
• 
  Bath Street
• 
  Ermida de Saint Helier
• 
  Igrexa Metodista de Saint Helier
• 
  Estación de botes
• 
  Igrexa Bautista
• 
  Igrexa de San Paulo
• 
  Escultura