Ruslan Ponomariov

Na Galipedia, a Wikipedia en galego.
Ruslán Ponomariov
Ruslán Ponomariov
Ruslán Olégovich Ponomariov
Nacemento 11 de outubro de 1983
Lugar Horlivka Flag of the Soviet Union.svg
Nacionalidade Ucraína Ucraína
Ocupación Xogador de xadrez

Ruslán Olégovich Ponomariov (ucraíno: Русла́н Оле́гович Пономарёв), nado o 11 de outubro de 1983 en Horlivka, Unión Soviética e actual Ucraína, é un mestre de xadrez, campión do mundo entre 2002 e 2004.

Traxectoria[editar | editar a fonte]

Comezou a competir en xadrez moi xove, quedando 3º no Campionato do Mundo sub-12 en 1994, con 10 anos, e gañándoo ao ano seguinte. En 1996 gañou o Campionato de Europa en categoría sub-18 e ao ano seguinte o Campionato do Mundo na mesma categoría. Gañou o título de Gran Mestre en 1998, con 14 anos, sendo o xogador máis xove en acadalo ata o momento.

En 2002 derrotou ao seu compatriota Vasili Ivanchuk na final do Campionato do Mundo da FIDE por 4,5-2,5, sendo o Campión do Mundo máis xove da historia do xadrez. En 2004 acadou o ouro na Olimpíada de Xadrez de Calvia co equipo ucraíno. Ese mesmo ano chegou á final da Copa do Mundo, que perdeu ante o armenio Levon Aronian, repetiu o mesmo posto na Copa do Mundo de Janti-Mansisk en 2009.

Véxase tamén[editar | editar a fonte]

Ligazóns externas[editar | editar a fonte]