Rosendo Fernández
| Biografía | |
|---|---|
| Nacemento | 23 de marzo de 1954  (70 anos)Salvaterra de Miño, España |
| Datos persoais | |
| País de nacionalidade | España |
| Actividade | |
| Ocupación | médico , político |
| Lingua | Lingua castelá |
Rosendo Luis Fernández Fernández, nado Salvaterra de Miño o 23 de marzo de 1954, é un médico e político galego do PPdeG.
Traxectoria[editar | editar a fonte]
Licenciado en Medicina e Cirurxía pola Universidade de Santiago de Compostela e diplomado en Sanidade en Ourense, é máster en Administración e Xestión Sanitaria pola Universidade de Vigo. Presentouse ás eleccións municipais de 1987 na Merca encabezando a candidatura da CPG e foi elixido alcalde por maioría absoluta. Volveu ser elixido alcalde logo das eleccións de 1991 por Centristas de Galicia e 1995, xa polo PPdeG, sempre con maioría absoluta. Foi director de Atención Primaria en Ourense de 1992 a 1996. Dimitiu como alcalde en 1996 cando foi nomeado director provincial do SERGAS.[1] En 2000 foi nomeado subdelegado do Goberno en Ourense permanecendo no cargo ata o 2004. Foi elixido deputado do Parlamento Galego nas eleccións autonómicas de 2009 e foi portavoz de Sanidade do Grupo Parlamentario Popular. Secretario xeral do Partido Popular de Ourense, dimitiu como deputado en 2011 para presentarse como candidato á alcaldía de Ourense.[2] Foi elixido concelleiro e deputado provincial. Foi vicepresidente da Deputación de Ourense. Nas eleccións municipais de 2015 presentouse como número dous nas listas do PP ao concello da Merca,[3] e volveu ser elixido vicepresidente da deputación.[4]
| Predecesor: Manuel Vázquez Outeiriño |
 Alcalde da Merca 1987 - 1996 |
Sucesor: Manuel Vázquez Outeiriño |
Vida persoal[editar | editar a fonte]
Casou cunha filla de Elisa Nogueira Méndez.[5]
Notas[editar | editar a fonte]
- ↑ La Voz de Galicia, Ourense, 25-7-1996, p. 36.
- ↑ Rosendo Fernández opta a la Alcaldía de Ourense con un equipo renovado
- ↑ Rosendo Fernández se asegura un puesto de edil para optar a la Diputación. www.laregion.es, 15/04/2015 (en castelán).
- ↑ Baltar renovará a Rosendo Fernández como vicepresidente da Deputación. www.lavozdegalicia.es, 05/03/2015.
- ↑ Elisa Nogueira no teme perder el puesto por el alta del ex portavoz del PSOE
Véxase tamén[editar | editar a fonte]
Bibliografía[editar | editar a fonte]
- Barrera, Feliciano, ed. (2002). "Fernández Fernández, Rosendo Luis". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.