Robert Newton
Robert Newton | |
---|---|
Nacemento | 1 de xuño de 1905 |
Lugar | Shaftesbury |
Falecemento | 25 de marzo de 1956 |
Lugar | Beverly Hills |
Causa | infarto agudo de miocardio |
Soterrado | Westwood Village Memorial Park Cemetery |
Nacionalidade | Reino Unido |
Educado en | St Bartholomew's School |
Pai | Algernon Newton |
Nai | Marjorie Emelia Rider |
Cónxuxe(s) | Ann Isobel Noel McLean |
Profesión | actor de teatro, actor de cinema e actor de televisión |
Na rede | |
| |
[ editar datos en Wikidata ] | |
Robert Newton, nado en Shaftesbury, Dorset, o 1 de xuño de 1905 e finado nos Ánxeles o 25 de marzo de 1956, foi un actor inglés.
Traxectoria[editar | editar a fonte]
A súa filmografía inclúe varios malvados famosos: Bill Sikes, na versión de Oliver Twist de David Lean (1948), Javert na película Les Misérables de 1952 e o Inspector Fix na súa derradeira película, Arredor do mundo en oitenta días (1956.
Mais o seu personaxe máis notábel é o de Long John Silver, no filme A Illa do Tesouro, de Walt Disney Pictures (1950). A este seguiron outro, sen relación, titulado Retorno á Illa do Tesouro (1954) e mesmo unha serie de televisión en 13 episodios. A súa representación de John Long Silver converteuse co tempo no prototipo do pirata. Newton tamén representou o outro famoso pirata de Bristol, Barbanegra, na película Barbanegra, pero nunca chegou á altura de Long John Silver.
Newton apareceu en papeis principais en dous filmes baseados na novela curta de W. Somerset Maugham Vessel of Wrath: o controlador holandés na versión de 1938 e o papel principal en The Beachcomber (1954). Protagonizou como o sombreireiro James Brodie O Castelo de Hatter (1945) e tamén estivo no Henrique V de Laurence Olivier (1944).
Sobre o escenario, apareceu en moitas obras de Noel Coward.
Xunto con Errol Flynn, Newton foi un dos actores máis populares entre o público xuvenil masculino dos anos 1940 e primeiros 1950, especialmente entre os británicos. Morreu dun ataque ao corazón aos 51 anos.
Filmografía[editar | editar a fonte]
- Fire Over England (1937)
- Jamaica Inn (1939)
- Major Barbara (1941)
- This Happy Breed (1944)
- Odd Man Out (1947)
- Oliver Twist (1948)
- Treasure Island (1950)
- Tom Brown's Schooldays (1951)
- Soldiers Three (1951)
- Les Misérables (1952)
- O pirata Barbanegra (1952)
- Androcles and the Lion (1952)
- The Desert Rats (1953)
- The Beachcomber (1954)
- The High and the Mighty (1954)
- Return to Treasure Island (tamén coñecida como Long John Silver) (1954)
- A volta ao mundo en oitenta días (1956)