Ramón Rodríguez Somoza

Na Galipedia, a Wikipedia en galego.
Saltar ata a navegación Saltar á procura
Ramón Rodríguez Somoza
Ramón Villar Ponte, Fernández del Riego, Antón Villar Ponte, Plácido Castro, Otero Pedrayo, Rodríguez Somoza, Manuel Beiras, Manuel Lugrís, Castelao, Suárez Picallo, Carlos Maside, Alexandre Bóveda.jpg
Nacemento1899
 Lourenzá
Falecemento22 de outubro de 1994
 Santiago de Compostela
NacionalidadeEspaña
Ocupaciónmédico
editar datos en Wikidata ]

Ramón Rodríguez-Somoza López, nado en Vilanova de Lourenzá (Lourenzá) en 1899 e finado en Santiago de Compostela o 22 de outubro de 1994[1], foi un reputado médico neuropsiquiatra galego.

Traxectoria[editar | editar a fonte]

Estudou Medicina a Madrid. Realizou traballos no Instituto de Investigacións Biolóxicas dende 1924. A súa tese de doutoramento La histopatología de la parálisis agitante cerebral foi dirixida por Santiago Ramón y Cajal. En Madrid formou parte dun grupo chamado Celta ("Mocedade Céltiga"). Optou pola psiquiatría e en 1926 a Junta para Ampliación de Estudios concedeulle unha bolsa de case catro anos para ir a Alemaña a ampliar coñecementos en Neuroanatomía patolóxica e Histopatoloxía psiquiátrica. Á volta traballou en Madrid con Rodríguez Lafora. Despois marchou a Compostela, onde dirixiu o Sanatorio de Conxo dende 1932. Dirixiu este centro ata a súa xubilación en 1969. Socio do Seminario de Estudos Galegos, mantivo amizade cos líderes do Partido Galeguista Castelao, Paz Andrade, Otero Pedrayo e Bóveda, e con Fernández del Riego. Foi un dos profesionais e intelectuais asinantes do manifesto a prol do Estatuto, en febreiro de 1933.

Notas[editar | editar a fonte]

  1. Necrolóxica en La Voz de Galicia, 23-10-1994, p. 82.

Véxase tamén[editar | editar a fonte]

Ligazóns externas[editar | editar a fonte]