Rafael Sisto

Rafael Carlos Sisto Edreira
	Rafael Carlos Sisto Edreira
	; Rafa Sisto en 2017.
; Alcalde de Teo
	Actualmente no cargo
	Dende o 13 de xuño de 2015
Precedido por	Martiño Noriega
Datos persoais
Nacemento	30 de xaneiro de 1963; Teo, Galicia
Partido	Son de Teo
Profesión	Profesor
Alma máter	Universidade de Santiago de Compostela
Na rede

Rafael Carlos Sisto Edreira, nado Luou (Teo) o 30 de xaneiro de 1963, é un político galego. Actualmente é o alcalde de Teo, pola formación Son de Teo.

Traxectoria[editar | editar a fonte]

Licenciado en Ciencias Químicas e doutorado en Ciencias da Educación pola Universidade de Santiago de Compostela. É profesor de Ensinanza Secundaria. Concelleiro en Teo dende as eleccións municipais de 2003, nas cales foi elixido como número 2 do BNG, situándose na oposición. Trala vitoria do BNG nas municipais de 2007 pasou a ser tenente de alcalde e ocupar diversas responsabilidades de goberno, baixo o mandato de Martiño Noriega. Continuou tras revalidar o BNG o goberno con maioría absoluta nas municipais de 2011. En marzo de 2012, xunto con Noriega e outros 5 concelleiros, abandonou o BNG trala marcha do Encontro Irmandiño da formación, pasando a constituír posteriormente Anova-Irmandade Nacionalista. No 2013 foi elixido membro da Coordinadora Nacional do novo partido^[1].

Nas eleccións municipais de 2015, trala marcha de Martiño Noriega a Santiago de Compostela, encabezou a candidatura de Son de Teo-ANOVA e logrou a alcaldía, tras sela forza máis votada, e estableceu un pacto de goberno co PSdeG liderado por Uxía Lemus. Ademais da alcaldía tamén asumeu as áreas de Persoal, Economía e Facenda, Saneamento e Abastecemento, Medio Natural e Lingua do Concello.^[2] No tramo final do mandato sumouse á porposta do seu antecesor Martiño Noriega, entón alcalde compostelán, de fusionalo concello da capital cos municipios de Teo, Ames ou Val do Dubra^[3]. Nas eleccións municipais de 2019 sufreu unha considerable desfeita ó pasar de 7 a 4 concelleiros, converténdose o PPdeG en primeira forza pese a estancarse en 7 edís, e cos seus socios do PSdeG-PSOE empatando a 4 edís con eles, se ben seguían contando con máis votos. Desta maneira, finalmente acadou de novo a alcaldía^[4], renovando o pacto de goberno cos socialistas de Uxía Lemus pero necesitando o apoio dos 2 edís do BNG na investidura. En outubro de 2021 expulsou ós concelleiros socialistas do executivo local e continuou gobernando en minoría^[5].