Río Mondego

Río Mondego

Tipo	río
Inicio
País da cunca	Portugal
División administrativa	Distrito de Coimbra, Portugal
Localización	Mondeguinho
Final
División administrativa	mar a fóra
Localización	Océano Atlántico
40°25′31″N 7°34′48″O B 40°08′43″N 8°52′04″O
Afluentes	Alva, Ceira, Dão, Arunca, Ceira, Ega
Características
Dimensións	234 () km
Superficie da cunca hidrográfica	6.644 km²
Medicións
Caudal	108,3 m³/s

O río Mondego é un curso fluvial portugués, que desemboca no océano Atlántico en Figueira da Foz, logo de atravesar Coímbra.

Percorrido

Nace na Serra da Estrela, concello de Gouveia a 1.425 m de altitude; no curso máis alto é chamado Mondeguinho, porque apenas é máis do que un pequeno fío de auga.

É o maior dos cursos fluviais que nacen en Portugal, grazas ás augas dos seus afluentes, especialmente na marxe dereita o Dão e na esquerda o Alva, o Ceira, o Arunca e a ribeira do Botão.

O Mondego percorre cerca de 220 km. As súas marxes, entre Coímbra e Figueira da Foz, son os terreos máis fértiles de Portugal. Nestas terras acádase a maior produción de arroz por hectárea de toda Europa.

Étimo e historia

Os romanos chamaban Munda ("transparencia, claridade, pureza") ao Mondego, denominación que perdurou ao longo da Idade Media.

Antigamente, o río Mondego era navegábel. Os barcos que viñan do océano Atlántico ían até Coímbra, e os máis pequenos chegaban mesmo até Penacova.

No Parque Verde do Mondego e en Lisboa, no Museu de Mariña, encostado ao Planetario de Lisboa próximo do Mosteiro dos Xerónimos, está exposto un barco bastante comprido que navegaba entre Coímbra e Penacova. Este barco servía para que as mulleres de Penacova fosen a Coímbra buscar roupa sucia e despois volvela lavada e pasada a ferro.