Quinto de Esmirna

Na Galipedia, a Wikipedia en galego.
Saltar ata a navegación Saltar á procura
Quinto de Esmirna
Nacementoséculo IV
 Esmirna
Falecementoséculo IV
NacionalidadeRoma Antiga
EtniaGregos
Ocupaciónescritor e poeta
Coñecido/a porPosthomerica
editar datos en Wikidata ]
Posthomerica, 1541

Quinto de Esmirna (en grego Κόιντος Σμυρναίος) foi un poeta épico grego que viviu entre os séculos III e IV.

Traxectoria[editar | editar a fonte]

Son escasos os datos biográficos sobre Quinto de Esmirna. Compuxo, ao redor dos séculos III ou IV de nosa era, as Posthoméricas, poema en catorce libros cuxa finalidade era seguir o ciclo épico troiano alí onde o deixou Homero e converterse en continuación natural da Ilíada.

As Posthoméricas comezan coa morte e funerais de Heitor (momento no que acaba a Ilíada) e narra todos os sucesos posteriores, até o final da guerra de Troia, non recollidos por Homero, pero ben coñecidos por outras fontes: morte de Aquiles, tolemia de Áiax ou Aiante, intervención de Filoctetes e Neoptólemo, argucia do cabalo de madeira, conquista da cidade e repartición de prisioneiras. A obra conclúe co regreso dos heroes gregos ás súas patrias, punto no que as Posthoméricas enlazan co outro gran poema homérico, a Odisea.

Aínda que o modelo principal é, como cabía esperar, Homero, Quinto de Esmirna baséase en moitas outras fontes para compor o seu relato: Apolonio de Rodas, Sófocles, Eurípides, etc. Non está do todo clara a influencia de Virxilio, a pesar das grandes similitudes entre as Posthoméricas e a Eneida. Auténtica xoia para todos os interesados polo ciclo mítico da guerra de Troia.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]