Praza Vermella

Na Galipedia, a Wikipedia en galego.

Coordenadas: 55°45′N 37°37′L / 55.750, -37.617

Kremlin e Praza Vermella
RedSquare (pixinn.net).jpg
Vista dende a Catedral de San Basilio
Patrimonio da Humanidade - UNESCO
País Flag of Russia.svg Rusia
Localización 55°45′15″N 37°37′12″L / 55.75417, -37.62000
Tipo Cultural
Criterios (i, ii, iv, vi)
Inscrición 1990
Rexión da UNESCO Europa
Identificador 545

A Praza Vermella (en ruso: Красная площадь, tr. Krásnaja plóščaď; AFI: [ˈkrasnəjə ˈploɕːətʲ]) é unha praza situada en Moscova, capital da Federación Rusa. A praza separa o Kremlin, a antiga cidadela real e actuala residencia oficial do Presidente de Rusia, dun histórico barrio de mercadores coñecido como Kitai-gorod. A Praza Vermella é a miúdo considerada a praza central de Moscova e de toda Rusia, xa que as principais rúas de Moscova, que conectan coas principais estradas do país, parten dela.

Orixe e nome[editar | editar a fonte]

O nome da Praza Vermella non provén nin pola cor dos ladrillos que o rodean (que, de feito, foron blanqueados en certos momentos da historia), nin da relación entre a cor vermella e o comunismo. O nome xurdiu porque a palabra rusa красная (Krasnaya) pode significar tanto "vermello" como "fermoso" (este último é máis ben arcaico; прекрасная, prekrasnaya). Esta palabra, co significado de "belo", aplicouse orixinalmente á Catedral de San Basilio e posteriormente foi trasladado á praza próxima. Crese que a praza adquiriu o seu nome actual (que substitúe á Pozhar, "lugar queimado") no século XVII. Varias cidades antigas rusas, como Suzdal, Yelets, e Pereslavl Zalessky, a súa praza principal chamase Krasnaya Ploshchad.

Descrición[editar | editar a fonte]

A Praza Vermella separa o Kremlin, a fortaleza real onde actualmente reside o presidente de Rusia, do barrio histórico comercial de Kitai-gorod. Dela parten as principais rúas de Moscova en todas direccións, prolongadas en autoestradas até fóra da cidade. Por iso é considerada a praza como o centro da cidade e de toda Rusia.

A zona onde está situada a praza estaba orixinariamente poboada por edificios de madeira, pero foi limpada por Iván III de Rusia, xa que eran susceptibles de arder con facilidade. A nova praza serviu como lugar para os mercados, máis tarde para cerimonias públicas e proclamacións, mesmo para coroar aos tsares.

Na praza atópanse o patíbulo, o monumento a Kuzma Minin e a Dmitry Pozharsky, ademais do mundialmente famoso sepulcro (mausoleo) de Lenin. Na parede do Kremlin están sepultas grandes figuras da Unión Soviética e relevantes militantes comunistas (como o líder Iosif Stalin, o cosmonauta Iuri Gagarin, o xornalista e escritor estadounidense John Reed, algúns altos xefes militares etc).

Historia recente[editar | editar a fonte]

O 28 de maio de 1987, o entón novo xermano-occidental Mathias Rust aterrou o seu pequeno avión Cessna en plena praza. Tivo que cumprir máis de 400 días de cárcere e ese feito tamén derivou na forzada renuncia do mariscal Sergey Sokolov, o entón ministro de defensa soviético.

En anos recentes na Praza Vermella celebráronse numerosos concertos. Realizaron actuacións alí grupos internacionais como Pink Floyd, a banda alemá Scorpions que celebrou un recital coa orquestra presidencial da Federación Rusa no aniversario da capital rusa. Ou o antigo beatle Paul McCartney.

Galería fotográfica[editar | editar a fonte]


Vista panorámica da Praza Vermella

Vista panorámica da Praza Vermella


Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]