Pilar Rojo

Pilar Milagros Rojo Noguera
	Pilar Milagros Rojo Noguera
	; Pilar Rojo en febreiro de 2017.
; Deputada no Congreso dos Deputados
	Actualmente no cargo
	Dende o 13 de xaneiro de 2016
; 6.ª Presidenta do Parlamento de Galicia;
	1 de abril de 2009 – 12 de xaneiro de 2016
Precedido por	Dolores Villarino
Sucedido por	Miguel Santalices
; Deputada no Parlamento de Galicia;
	20 de novembro de 2001 – 12 de xaneiro de 2016
Datos persoais
Nacemento	23 de febreiro de 1960 (63 anos); A Coruña, Galicia
Partido	Partido Popular de Galicia
Profesión	Arquitecta
Alma máter	Universidade da Coruña
Na rede

Pilar Milagros Rojo Noguera, nada na Coruña o 23 de febreiro de 1960, é unha política galega militante do PPdG.

Traxectoria[editar | editar a fonte]

É licenciada en Arquitectura pola Escola Técnica Superior de Arquitectura da Coruña. En 1990 e ata 1996 exerceu como arquitecta da Facenda Pública na Delegación Provincial de Economía e Facenda en Pontevedra. En novembro de 1996 foi nomeada delegada provincial da Consellería de Cultura e Comunicación Social da Xunta de Galicia en Pontevedra, cargo que ocupou ata finais de 2001.^[1]

No ano 2001 foi elixida deputada do PPdeG por Pontevedra no Parlamento de Galicia, cargo para o que foi reelixida nas VII e VIII lexislaturas. O 20 de xaneiro de 2003 foi nomeada Conselleira de Familia, Xuventude, Deporte e Voluntariado, cargo que desempeñou ata as eleccións autonómicas de 2005.

Após as Eleccións ao Parlamento de Galicia 2009, foi elixida presidenta do Parlamento de Galicia. Nas eleccións xerais de 2015 presentouse en terceiro lugar pola provincia de Pontevedra e foi elixida deputada. En xaneiro de 2016 foi substituída na Presidencia do Parlamento Galego por Miguel Santalices^[2]. Nas Eleccións xerais de abril de 2019 presentouse ao Senado pola provincia de Pontevedra, sen obter escano. Repetiu candidatura nas Eleccións xerais de novembro do mesmo ano, desa volta con éxito.