Petr Nečas

Na Galipedia, a Wikipedia en galego.
Petr Nečas
9º Primeiro Ministro da República Checa
Período28 de xuño de 2010
AntecesorJan Fischer
Ministro de Traballo
Período4 de setembro de 2006
8 de maio de 2009
AntecesorZdeněk Škromach
SucesorPetr Šimerka
Datos persoais
Nacemento19 de novembro de 1964
 Uherské Hradiště
OrganizaciónPartido Democrático Cívico
CónxuxeRadka Nečasová
FillosOndřej, Tomáš, Tereza e Marie
Alma máterMasaryk University
ProfesiónFísico
RelixiónCatólico
Na rede
http://www.petr-necas.cz
Facebook: petr.necas.ods Editar o valor em Wikidata
editar datos en Wikidata ]

Petr Nečas, nado o 19 de novembro de 1964 e Uherské Hradiště, Checoslovaquia, é un político checo que ocupou o cargo de Primeiro Ministro da República Checa entre 2010 e 2013. Dende 1979 até 1983 Nečas estudou na Escola Secundaria de Uherské Hradiště; en 1988 graduouse na Facultade de Ciencias da Universidade Masaryk en Brno especializándose en física, e o mesmo ano foi galardoado cun doutoramento en ciencias naturais pola súa obra de física do plasma.

Despois de cumprir o servizo militar obrigatorio entre 1988 e 1989 en Prostějov, traballou na cidade de Rožnov pod Radhoštěm de tecnólogo e experimentalista na Compañía Tesla Rožnov até 1992. Nečas está casado con Radka Nečasová e ten catro fillas.

Carreira Política[editar | editar a fonte]

Desde o ano 1991 Nečas é membro do Partido Democrático Cívico (ODS polas súas siglas en checo), un partido político conservador de centro dereita e un dos dous máis grandes do país; ese mesmo ano que ingresou ao partido, Nečas fíxose membro do Consello Distrital do ODS en Vsetín. Desde xuño de 1992 el foi deputado do Parlamento da República Checa; co actual, Nečas foi elixido para seis períodos consecutivos como deputado (en polo menos unha ocasión nese tempo as eleccións foron adiantadas).

En setembro de 1995 Nečas é nomeado Viceministro Primeiro de Defensa, cargo que ocupa até xullo de 1996. Desde 1999 e até o 2010 el foi Vicepresidente do Partido Democrático Cívico, e no 2002 perdeu a elección interna para líder do partido ante Mirek Topolánek por só dous votos. Entre 2004 e 2006 foi o Vicepresidente Primeiro do partido. Dende o 4 de setembro do 2006 até o 8 de maio do 2009 Nečas foi Viceprimeiro ministro e Ministro de Traballo e Asuntos Sociais no segundo goberno de Mirek Topolánek.

Primeiro Ministro[editar | editar a fonte]

Debido á renuncia de Topolánek como líder parlamentario do partido o 1 de abril do 2010, Nečas converteuse no líder interino do partido e o 13 de abril asumiu formalmente os poderes de Presidente do Partido Democrático Cívico ata que se celebre o próximo Congreso do partido que deberá elixir un líder definitivo. Na súa condición de líder temporal debeu encabezar a candidatura do partido para as eleccións parlamentarias do 28 e 29 de maio do 2010.

Nesas eleccións para elixir a Cámara de Deputados da República Checa (a Cámara Baixa do Parlamento checo) o Partido Democrático Cívico de Nečas obtivo o segundo lugar nos resultados, ao conseguir 1.057.792 votos populares equivalentes ao 20,22% do total dos sufraxios, e gañar así 53 deputados. O primeiro lugar foi para o Partido Socialdemócrata Checo liderado polo ex-primeiro ministro Jiří Paroubek, que obtivo 1.155.267 sufraxios, equivalentes ao 22,08% dos votos, e 56 deputados. Con todo, o Partido Socialdemócrata quedou moi lonxe da maioría absoluta de 101 deputados necesaria para elixir o seu candidato como Primeiro Ministro e así formar goberno, e ademais outros partidos de centrodereita obtiveron resultados que lle permiten formar goberno xunto ao Partido Democrático Cívico.

O TOP 09, un partido de centrodereita encabezado polo exministro de asuntos exteriores Karel Schwarzenberg, chegou en terceiro lugar e obtivo 873.833 votos equivalentes ao 16,70% do total e 41 deputados; e Asuntos Públicos, outro partido de centrodereita liderado por Radek John, chegou en quinto lugar ao obter 569.127 sufraxios equivalentes ao 10,88% e 24 deputados. Estes dous partidos, sumados ao Partido Democrático Cívico de Nečas, suman 118 deputados que son máis que suficientes para elixir Primeiro Ministro ao candidato proposto polo tres. Pola contra, o Partido Socialdemócrata só podería selar unha alianza co Partido Comunista de Bohemia e Moravia de Vojtěch Filip que chegou en cuarto lugar e obtivo 589.765 votos que equivalen ao 11,27% do total e 26 deputados; polo que entre os dous só suman 82 deputados e quedan moi lonxe da maioría absoluta.

O tres partidos de dereita apresuráronse a asinar un principio de acordo e por iso o 4 de xuño do 2010 o Presidente da República Checa Václav Klaus encargoulle a Petr Nečas as negociacións para formar goberno como posible futuro Primeiro Ministo, para o que dispón de dúas semanas. Este feito e a elección de Nečas como líder titular do seu Partido Democrático Cívico nun Congreso da organización política onde obtivo os votos do 87% dos delegados do Congreso, convérteo na práctica no Primeiro Ministro electo.

O 28 de xuño do 2010 Petr Nečas foi nomeado formalmente Primeiro Ministro polo presidente Klaus; con todo, o anterior primeiro ministro Jan Fischer manteríase provisionalmente á fronte do goberno ata que Nečas puidese presentar a lista dos seus ministros para ser xuramentados. Finalmente o 13 de xullo do 2010 o presidente Klaus puido cumprir a formalidade constitucional de nomear e juramentar aos ministros designados por Nečas, e o novo goberno puido entrar en funcións; co cal o anterior primeiro ministro Fischer cesou definitivamente e Nečas comezou a exercer plenamente o cargo de xefe de goberno.

O 10 de agosto do 2010 Nečas e o seu goberno solicitaron o voto de confianza da Cámara de Deputados da República Checa; como estaba previsto os 118 deputados do tres partidos do novo goberno votaron a favor de outorgar a confianza, co que o goberno presidido por Nečas quedou formalmente investido. Socialdemócratas e comunistas votaron en contra. Durante o debate previo á votación parlamentaria Nečas expuxo como prioridades do goberno que preside a redución do déficit orzamentario, a reforma dos sistemas de pensións e de sanidade, a loita contra a corrupción e maior transparencia nas licitacións públicas.

Véxase tamén[editar | editar a fonte]

Ligazóns externas[editar | editar a fonte]


Primeiro Ministro da República Checa

Segue a:

Jan Fischer
Petr Nečas
(2009-presente)

Precede a:
No cargo
ODS

Partido Democrático Cívico