Peter Kierkegaard
 | |
| Nome orixinal | Peter Christian Kierkegaard |
|---|---|
| Biografía | |
| Nacemento | 6 de xullo de 1805 Aalborg |
| Morte | 24 de febreiro de 1888 Aalborg |
| Lugar de sepultura | Almen Kirkegård (en)   |
| Kultus Minister of Denmark (en) | |
| 4 de setembro de 1867 – 6 de marzo de 1868 ← Theodor Rosenørn-Teilmann (en) – Christen Andreas Fonnesbech (pt) → | |
| Bispo | |
| 1856 – 1875 ← Severin Claudius Wilken Bindesbøll (en) – Peter Engel Lind (en) → Diocese: Diocese of Aalborg (en) | |
| Datos persoais | |
| Residencia | Aalborg |
| País de nacionalidade | Dinamarquesa |
| Relixión | Protestantismo |
| Educación | Universidade de Copenhague |
| Actividade | |
| Ocupación | Bispo, filósofo, teólogo |
| Período de actividade | Século XIX |
| Xénero artístico | Filosofía, teoloxía |
| Movemento | Teoloxía protestante |
| Lingua | Danés |
| Familia | |
| Cónxuxe | Elise Marie Boisen (1836-1837) Sophie Henriette Glahn (1841-1881) |
| Fillos | Pascal Poul Egede Kierkegaard |
| Pais | Michael Pedersen Kierkegaard e Ane Sørensdatter Lund (en) |
| Irmáns | Søren Kierkegaard |
 | |
Peter Christian Kierkegaard, nado o 6 de xullo do 1805 e finado o 24 de febreiro do 1888, foi un pensador, político e teólogo dinamarqués, bispo da Diocese de Aalborg entre 1857 e 1875. Un dos seus irmáns máis novos foi o filósofo Søren Kierkegaard.[1]
Biografía[editar | editar a fonte]
Primeiros anos[editar | editar a fonte]
Naceu en Aalborg, ao norte de Dinamarca.[1] Foi fillo de Michael Pedersen Kierkegaard (1756-1838), un rico produtor de la e especulador inmobiliario, e a súa segunda esposa, Ane Sørensdatter Lund (1768-1834).[1] En total eran sete irmáns, incluído o célebre teólogo e filósofo Søren Kierkegaard (1813-1855).[1][2][3] No ano 1822 graduouse pola Universidade de Copenhague, e no 1826 converteuse en Candidatus theologiæ (cand. theol.).[1] No 1829 defendeu a súa disertación na Universidade de Gotinga.[1] Posteriormente, faría unha viaxe de estudos polas cidades de Bonn, Utrecht, Lovaina e París.[1] Tras o seu retorno a Dinamarca, traballou como profesor de linguas clásicas no Borgerdydskolen de Copenhague.[1]
Carreira eclesiástica[editar | editar a fonte]
No 1833, foi nomeado párroco en Vejerslev-Blidstrup, no municipio de Mørso.[1] A partir do 1842, foi párroco de Pedersborg e Kindertofte, en Sorø.[1] No 1856, acadou o rango de bispo da Diocese de Aalborg.[1]
Como teólogo da Igrexa de Dinamarca, criticou os traballos do seu irmán en numerosas ocasións, en especial durante os sínodos de Roskilde en 1849 e 1855.[2][3] Porén, pronunciou un panexírico durante o enterramento deste na Igrexa da Nosa Señora de Copenhague.[2]
En decembro do 1849, foi elixido membro do Landsting, o parlamento dinamarqués.[1] Entre o 4 de setembro de 1867 e o 6 de marzo de 1868 serviu como Kultus Minister do país, baixo a presidencia de Krag-Juel-Vind-Frijs.[1]
Pasamento[editar | editar a fonte]
Peter Christian Kierkegaard faleceu en Aalborg no 1888, e foi soterrado no cemiterio xeral da cidade.[1] Tiña 82 anos.
Vida persoal[editar | editar a fonte]
No ano 1836, casou con Elise Marie Boisen (1806-1837), quen morreu ao ano seguinte.[1] Volveu casar no 1841, con Sophie Henriette Glahn (1809-1881), coa que tería un fillo, Pascal Poul Egede Kierkegaard (1842-1915).[1]
Notas[editar | editar a fonte]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 "P.C. Kierkegaard - lex.dk". Dansk Biografisk Leksikon (en dinamarqués). 2011-08-29. Consultado o 2023-12-09.
- ↑ 2,0 2,1 2,2 "Søren Kierkegaard - lex.dk". Dansk Biografisk Leksikon (en dinamarqués). 2023-04-23. Consultado o 2023-12-09.
- ↑ 3,0 3,1 Lyby (2016)
Véxase tamén[editar | editar a fonte]
Bibliografía[editar | editar a fonte]
- Lyby, T.C. (2016). Peter Christian Kierkegaard: A Man with a Difficult Family Heritage. En Stewart, J. (ed.), Kierkegaard and His Danish Contemporaries - Theology. Routledge. ISBN 9781351874366
