Pedrafita, O Corgo

Para outras páxinas con títulos homónimos véxase: Pedrafita.

Pedrafita
Capela das Virtudes
Concello	O Corgo
Provincia	Lugo
Coordenadas	42°57′35″N 7°25′31″O
Poboación	55 hab. (2019)
Entidades de poboación	2
[ editar datos en Wikidata ]

Pedrafita é unha parroquia do concello lugués do Corgo. En 2011 segundo o IGE tiña 64 habitantes (32 homes e 32 mulleres). Dista dous quilómetros da capital do concello.

Situación

As comunicacións realízanse principalmente pola estrada comarcal que vai dende a N-VI cara a Adai e por unha serie de camiños secundarios que unen Pedrafita coas poboacións veciñas. En canto ós usos do solo, conviven as praderías coa masa forestal (piñeiro, carballo, castiro...). Tamén se atopan con terreos dedicados a outros cultivos (millo, pataca, trigo, nabos...) xunto con pequenas hortas.

En canto á rede fluvial, o río principal é o Chamoso, xunto cunha pequena serie de regatos.

Poboación

A poboación é maioritariamente maior, coma en todo o rural de Galicia. A actividade económica predominante é a gandería, que convive coa agricultura, esta última para o consumo familiar e alimentación do gando. Debido a súa proximidade a Lugo moita xente desprázase á capital da provincia para traballar, sobre todo a xente nova xa que non quere seguir coa actividade agrícola.

Patrimonio

Pedrafita ten restos arqueolóxicos (tumbas antropomorfas) e con arquitectura relixiosa (a igrexa e a Capela das Virtudes). Tamén se atopa nesta poboación un pazo (pazo de Ulloa) e o seu antigo colexio (agora funciona como centro de reunión). A arquitectura civil é de casas de pedra que conviven con outras de nova construción (ladrillo).

Festas

En Pedrafita celébranse dúas festividades locais ó longo do ano: San Miguel, o 29 de setembro e a Ascención, en maio.

Galería de imaxes

• 
  Fito da vía romana XIX
• 
  Igrexa parroquial

Lugares e parroquias

Lugares de Pedrafita

Lugares da parroquia de Pedrafita no concello do Corgo (Lugo)
Lamas | Pedrafita

Véxase tamén

Outros artigos

• Lugares do Corgo