Panglao, Bohol

Na Galipedia, a Wikipedia en galego.
Saltar ata a navegación Saltar á procura

Coordenadas: 9°35′N 123°45′L / 9.583, -123.750

Panglao, Bohol
Municipality of Panglao (en inglés)
Munisipalidad sa Panglao
(en cebuano)
Bayan ng Panglao
(en tagalo)
Church St Augustine Panglao Outside.jpg
Igrexa de Santo Agostiño en Panglao
Localización
En vermello, o municipio de Panglao, na illa de Panglao, provincia de Bohol
PaísFilipinas Flag of the Philippines.svg
RexiónVisayas Centrais
ProvinciaBohol
Distrito
Xeografía
Altitude2,0
msnm
Superficie47,79 km²
Demografía
Poboación39 839 habitantes (2020)
Densidade83 hab./km²
Outros datos
Fundación1803
Código postal6340 [1]
AlcaldeLeonila 'Nila' P. Montero [2]

Panglao, oficialmente Municipality of Panglao (en inglés), Munisipalidad sa Panglao (en cebuano), Bayan ng Panglao (en tagalo), é unha municipalidade de 4ª clase da provincia de Bohol, en Filipinas.

Etimoloxía[editar | editar a fonte]

O nome Panglao pode provir do nome que tiña antes da chegada dos españois, Panglawod, que significa "ao mar aberto",[3] ou talvez derive da palabra panggaw, en referencia a unha arte de pesca utilizada polos lugareños.

Xeografía[editar | editar a fonte]

É un dos dous municipios en que se divide a illa de Panglao (o outro é Dauis), e é coñecido polas súas praias para practicar mergullos e os seus hoteis turísticos.[4]

O municipio ocupa a parte suroeste da illa homónima de Panglao, e o seu territorio tamén inclúe tres illas máis pequeñas: Balicasag,[5] Gak‑ang e Pontod (tamén chamada Pungtud, e coñecida como Virgin Island).[3]

Na illa de Panglao non hai ríos, nin regatos nin lagos, polo que para consegir auga potábe, o municipio depende de pozos e do mananxial subterráneo de Canhilbas.[3]

A cidade, situada a unha altitude media de 2,0 msnm (máxima 187 m; mínima 0 m), ocupa unha superficie de 47,79 km².[6] Segundo o censo de 2020 contaba cunha poboación de 39 839 habitantes,[7] polo que, nese ano, a súa densidade de poboación era de 83 hab./km².

No municipio de Panglao encóntrase o Aeroporto Internacional de Bohol-Panglao, que funciona como o aeroporto principal de Bohol, e substitúe ao aeroporto de Tagbilaran desde novembro de 2018.

Barangays[editar | editar a fonte]

Panglao divídese administrativamente en 10 barangays ou barrios:

  • Bil-isan (1 000 km², 3 649 hab.)
  • Bolod (320 km², 1 906 hab.)
  • Danao (620 km², 4 935 hab.)
  • Doljo (3 100 km², 3 417 hab.)
  • Libaong (500 km², 2 132 hab.)
  • Looc (1 000 km², 2 543 hab.)
  • Lourdes (410 km², 1 544 hab.)
  • Población (780 km², 5 305 hab.)
  • Tangnan (580 km², 3 645 hb.)
  • Tawala (500 km², 4 477 hab.)
  • Nota: Datos referidos a 2020.[7]

Historia[editar | editar a fonte]

Moito antes da colonización española, a zona xa fora visitada por comerciantes chineses e doutros países asiáticos, como demostran os achados arqueolóxicos de porcelana e de artigos comerciais das dinastías Tang, Song e Ming.[3]
Panglao floreceu durante o goberno do reino de Dapitán, pero as incursiónes dos moluqueños e a conquista de Ternate deron lugar a períodos de despoboación, cando os habitantes da zona fuxiron principalmente a Panay e Mindanao.[3]

Durante o dominio español estableceuse unha misión dos xesuítas que, en 1782 transformose unha parroquia, coñecida como a de Santo Agostiño de Panglawod. En 1803 a cidade foi establecida oficialmente como municipio. A "torre de vigilancia de Panglao" construíuse en 1851. Esta torre, octogonal e de cinco andares é a máis alta das do seu tipo en Filipinas, pero hoxe en día está abandonada.[8]

A cidade de Panglao celebra a súa fiesta nos días 27 e 28 de agosto, en honor do seu padrón Santo Agstiño.[9]

Educación[editar | editar a fonte]

Panglao ten varias institucións educativas, entre elas a Academia San Agustín (Panglao), a Escola Secundaria Nacional Lourdes, o Cristal e-College e escolas primarias en cada barangay,[10] incluída a Escola Primaria Central de Panglao.

Turismo[editar | editar a fonte]

A principal atracción turística de Panglao son as súas praias de area branca, das cales a praia de Alona (Alona beach) é a máis famosa. Esta praia de Alona ten aproximadamente 1 500 m de longo, e está bordeada de palmeiras, centros turísticos e tendas.[11] Porén, recibiu críticas polo seu desenvolvemenrto desenfreado, esquecendo as políticas de desenvolvemento municipal, advertindo contra o amoreamento e que Alona perda á súa imaxe de paraíso. Polo tanto, os gobernos municipal, provincial e nacional desenvoveron un plan para construír un novo aeroporto internacional na illa de Panglao, cunha vía de acceso directa á praia de Alona. Este plan estivo operativo en novembro de 2018. Outras praias son as de Bagobo, Bolod, Danao, Doljo e Momo.

Panglao é famosa polos lugaes de megullo, como Doljo Beach, Garden Eels, Arco Point, Kalipayan, Napaling e Puntod. A parte sur da illa está rodeada de arrecifes relativamente estreitos e pouco profundos (de 5 a 6 m) con acantilados submarinos que se afunden a profundidades de 33 a 56 m.[12] Pódense organizar facilmente excursións a outros sitios de mergullo, incluídas as illlas Balicasag e Pamilacan.

Galería[editar | editar a fonte]

Notas[editar | editar a fonte]

  1. The Philippines ZIP Code 6340.
  2. Montero reassumes mayoral post; Fuertes calls move 'inciting to sedition'". The Bohol Chronicle, 10-09-2018. Consultado o 27 de agosto de 2021.
  3. 3,0 3,1 3,2 3,3 3,4 Panglao. Municipal profile Arquivado 15 de setembro de 2012 en Wayback Machine.. Consultado o 27 de agosto de 2021.
  4. "Discover Panglao Island Bohol". en www.bohol-philippines.com (en inglés). Consultado o 27 de agosto de 2021.
  5. Balicasag Island Arquivado 25 de xuño de 2015 en Wayback Machine..
  6. "2015 Census of Population, Report No. 3 – Population, Land Area, and Population Density" (PDF). Philippine Statistics Authority. Quezon City, Philippines. Agosto de 2016. Consultado o 27 de agosto de 2021.
  7. 7,0 7,1 Census of Population (2020). "Region VII (Central Visayas)". Total Population by Province, City, Municipality and Barangay. PSA. Consultado o 27 de agosto de 2021.
  8. "Bohol Panglao Island Travel Guide"[Ligazón morta] (en inglés). Consultado o 27 de agosto de 2021.
  9. Bohol Festivals and Feast Days {{en]].
  10. Un barangay (en tagalo baranggay), tamén coñecido polo seu nome colonial, barrio, é a unidade menor de goberno local en Filipinas, e é o termino nas linguas filipinas equivalente a pobo, distrito ou circunscrición. Os municipios e as cidades das Filipinas comprenden varios barangayes. O termo barangay e a súa estrutura fueron concibidos durante a administración do presidente Ferdinand Marcos, substituíndo aos antigos barrios.
  11. Alona Beach, Panglao Island
  12. Panglao Island Diving.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]