Ole Rømer

Na Galipedia, a Wikipedia en galego.
Ole Rømer
Ole Rømer.jpg
Ole Christensen Rømer
Datos persoais
Nacemento 25 de setembro de 1644
Lugar Dinamarca Dinamarca, Aarhus
Falecemento 29 de setembro de 1710 (65 anos)
Lugar Dinamarca Dinamarca, Copenhague
Nacionalidade danés
Cónxuxe Anne Marie Bartholin
Actividade
Campo Astronomía
Contribucións e premios
Coñecido por velocidade da luz
Ole Rømer Signature.svg

Ole Christensen Rømer nado o 25 de setembro de 1644 en Aarhus (Dinamarca) e finado o 29 de setembro de 1710 en Copenhague) foi un astrónomo danés que en 1676 fixo as primeiras medidas sobre a velocidade da luz.

Mercé á influencia de Rømer foi introducido o calendario gregoriano en Dinamarca no ano 1701.

Traxectoria[editar | editar a fonte]

Rømer era fillo dun comerciante e capitán, Christen Pedersen e da súa dona Anna Olufsdatter Storm, filla dun concelleiro.[1] O seu pai comezou a utilizar o nome de Rømer , o que significa que el era da illa danesa de Rømø para distinguirse dun par de persoas con nome Christen Pedersen.[2] Só hai unhas poucas fontes de Ole Rømer apartir de 1662 cando se graduou na antiga 'Aarhus Katedralskole' (A Catedral Escola de Aarhus)[3] despois trasladouse a Copenhague onde se matriculou na Universidade de Copenhaguen. O seu mentor na Universidade era Rasmus Bartholin quen publicou o seu descubrimento da dobre refracción dun raio de luz polo espato de Islandia (calcita) en 1668, cando Rømer estaba vivindo na súa casa. Rømer tivo todas as oportunidades para aprender matemáticas e astronomía por medio das observacións astronómicas de Tycho Brahe, quen como a Bartholin lle fora dada a tarefa de preparar estes para a súa publicación.[4]

A súa obra[editar | editar a fonte]

Descubrimento dos satélites de Xúpiter[editar | editar a fonte]

As observacións do primeiro satélite de Xúpiter efectuadas por Rømer e Giovanni Cassini indicaron unha desigualdade, que os dous sabios creron poder atribuír á propagación sucesiva da luz (Observatorio de París, ano 1676). Cassini non tardou en desbotar esa idea tan xusta; pola contra Rømer mantívoa, unindo deste xeito o seu nome a un dos máis grandes descubrimentos que enorgullecen á astronomía moderna.

Fíxose notar que logo da idea tan feliz de atribuír as diferenzas que se observan entre as voltas do primeiro satélite de Xúpiter aos límites do cono de sombra durante a primeira e a segunda cuadratura do planeta e da propagación da luz, Rømer , inexplicablemente, desdeñou demostrar que na mesma hipótese atopábase a explicación das desigualdades notadas tamén nos outros tres satélites.

Podería estrañar que non trate de evaliar a velocidade da luz con máis exactitude da que aplicou. Horrebow, o discípulo predilecto de Rømer e o seu máis fervente admirador, fixa en 14 m 10 s no canto de 8 m 13 s o tempo que tarda a luz en atravesar a distancia que separa o Sol da Terra.

Os anteollos[editar | editar a fonte]

Rømer, que fora testemuña en París das dificultades para facer mover no plano do meridiano a lente dun cuarto de círculo mural, é dicir, unha lente equilibrada sobre un eixe moi curto e obrigada a aplicarse continuamente sobre un limbo imperfectamente feito, imaxinou e construíu os anteollos meridiano.

Este instrumento que hoxe en día pode verse en moitos observatorios astronómicos débese, polo tanto, á inventiva do astrónomo danés.

O micrómetro[editar | editar a fonte]

Débeselle tamén a invención dun enxeñoso micrómetro, de uso moi común cara a finais do século XVII na observación dos eclipses. Con este micrómetro podíase aumentar ou diminuír a imaxe do Sol ou da Lúa ata que estivesen entre dous fíos situados preto do ocular.

Notas[editar | editar a fonte]

  1. Niels Dalgaard (1996). Museum Tusculanum Press, ed. Dage med Madsen, eller, Livet i Århus: om sammenhænge i Svend Åge Madsens forfatterskab (en Danish). pp. 169–. ISBN 978-87-7289-409-6. ... skipper og handelsmand i Århus, gift med Anne Olufsdatter Storm (død 1690) og far til astronomen Ole Rømer (1644-1710). 
  2. Friedrichsen, Per; Tortzen, Chr. Gorm (2001). Ole Rømer – Korrespondance og afhandlinger samt et udvalg af dokumenter (en Danish). Copenhaguen: C. A. Reitzels Forlag. p. 16. ISBN 87-7876-258-8. 
  3. (en inglés)History of the School Aarhus Katedralskole
  4. Friedrichsen; Tortzen (2001), pp. 19–20.

Véxase tamén[editar | editar a fonte]

Ligazóns externas[editar | editar a fonte]