Nuno Álvares Pereira
![]() ![]() | |
Biografía | |
---|---|
Nacemento | 24 de xuño de 1360 ![]() Cernache do Bonjardim, Portugal (pt) ![]() ![]() |
Morte | 1 de novembro de 1431 ![]() Convento do Carmo, Portugal ![]() |
Lugar de sepultura | Igreja do Santo Condestável (pt) ![]() ![]() |
Condestábel | |
![]() | |
Datos persoais | |
País de nacionalidade | Reino de Portugal ![]() |
Relixión | Igrexa católica ![]() |
Actividade | |
Ocupación | militar , político , comandante ![]() |
Lingua | Lingua portuguesa ![]() |
Carreira militar | |
Rango militar | mariscal ![]() |
Conflito | Crise de 1383–1385 em Portugal (pt) ![]() ![]() ![]() ![]() |
Orde relixiosa | Orde de Santa María do Monte Carmelo ![]() |
Enaltecemento | |
Día de festividade relixiosa | 6 de novembro 1 de novembro ![]() |
Outro![]() | |
Título | Duque de Barcelos (pt) ![]() ![]() |
Fillos | Beatriz Pereira Alvim (pt) ![]() ![]() |
Pais | Álvaro Gonçalves Pereira (pt) ![]() ![]() ![]() ![]() |
Irmáns | Pedro Álvares Pereira (pt) ![]() ![]() |
![]() ![]() ![]() ![]() |
Nuno Álvares Pereira, nado en Cernache do Bonjardim o 24 de xuño de 1360 e finado en Lisboa o 1 de novembro de 1431, foi un militar portugués, tamén coñecido como o Santo Condestábel ou Beato Nuno de Santa Maria.[1]
Biografía
[editar | editar a fonte]Desempeñou un papel fundamental na crise de 1383-1385, onde Portugal xogou a súa independencia contra o reino de Castela. Nuno Álvares Pereira foi tamén conde de Arraiolos, de Barcelos e de Ourém. Após a aclamación de Xoán I polas cortes de Coímbra, Nuno Álvares Pereira fixo unha viaxe diplomática, militar e de peregrinación a Santiago de Compostela, durante a que tomou o castelo do Neiva, en Santiago do Neiva, episodio conmemorado na actualidade na feira medieval de Viana do Castelo.[2]
A vitoria atinxida, dirixindo campesiños (batalla dos Atoleiros, no Alentexo), levouno a ser nomeado condestábel do exército, á fronte do cal logrou a decisiva vitoria de Alxubarrota (14 de agosto de 1385) contra as tropas castelán-francesas, aliadas á súa vez con parte da nobreza lusa, asegurando o trono portugués para o Mestre de Avis.
Descendencia
[editar | editar a fonte]Casou en 1376 con Leonor de Alvim (sobriña do cortesán Pedro Coelho) coa que tivo tres fillos, pero só unha filla, Beatriz Pereira de Alvim (Beatriz de Portugal), chegou á idade adulta, estando casada cun fillo natural de Xoán I de Portugal, Afonso de Portugal (primeiro Duque de Braganza) e dando lugar á Casa de Braganza (que reinaría en Portugal tres séculos despois). Por tanto, polo matrimonio da súa filla, Nuno é antepasado de varias das casas reais europeas, entre elas Isabel de Barcelos era avoa materna de Isabel I de Castela, a Católica.[3]
Vida relixiosa
[editar | editar a fonte]Cando a súa muller morreu en 1387, abrazou a vida relixiosa. Fundou o convento carmelita de Lisboa en 1389 e ingresou na Orde do Carmelo o 15 de agosto de 1423 como irmán laico. Despois dunha vida modelo de penitencia, morreu no recendo da santidade o 1 de novembro de 1431. Foi enterrado no Convento do Carme en Lisboa, onde morrera, pero en 1755, o terremoto que asolou Lisboa destruíu a igrexa.
As cortes de Portugal pediron a súa beatificación a Urbano VIII no século XVII.[4] Foi beatificado o 23 de xaneiro de 1918 por Bieito XV e canonizado en abril de 2009 por Bieito XVI.[5]
Na literatura
[editar | editar a fonte]Luís de Camões, en sentido literal ou alegórico, explícito ou implícito, fai referencia a O Condestável catorce veces en Os Lusíadas. O forte Nuno, como Camões o designa, aparece logo evocado na 12.ª estrofa do canto primeiro: "Por estes vos darei um Nuno fero, Que fez ao Rei e ao Reino tal serviço," e no canto oitavo, estrofe 32: "Mas mais de Dom Nuno Álvares se arreia. Ditosa Pátria que tal filho teve!".
Galería de imaxes
[editar | editar a fonte]- Monumentos
-
Monumento no Castelo de Ourém
-
Estatua ecuestre onda o Mosteiro de Batalha
-
lugar de nacemento de D. Nuno - Cernache do Bonajardim
-
Igrexa de Vila Nova da Rainha, lugar do seu casamento
-
Gravura da Crónica do Condestável
-
Convento do Carmo onde pasou os seus derradeiros anos
-
Monumento ao Santo Condestábel en Lisboa
-
Monumento Cernache do Bonjardim
Notas
[editar | editar a fonte]- ↑ "Validate User". academic.oup.com. Consultado o 2022-04-23.
- ↑ Andreia Ferreira (2018-08-08). "Passagem de D. Nuno Álvares Pereira por Castelo do Neiva retratada em Feira Medieval". Altominho.tv (en portugués). Consultado o 2022-04-23.
- ↑ "Beatriz de Portugal". Google Arts & Culture (en castelán). Arquivado dende o orixinal o 23 de abril de 2022. Consultado o 2022-04-23.
- ↑ Pereira, Nuno Álvares (2010-04-18). "Nuno Álvares Pereira: A Vida de Nuno Álvares Pereira". Nuno Álvares Pereira. Consultado o 2022-04-23.
- ↑ Portugal, Rádio e Televisão de. "Nuno Álvares Pereira canonizado a 26 de Abril". Nuno Álvares Pereira canonizado a 26 de Abril (en portugués). Consultado o 2022-04-23.
Véxase tamén
[editar | editar a fonte]![]() |
Commons ten máis contidos multimedia sobre: Nuno Álvares Pereira |