Alentexo

Na Galipedia, a Wikipedia en galego.
Modelo:Xeografía políticaAlentexo
Alentejo (pt) Editar o valor em Wikidata

Localización
Editar o valor em Wikidata Mapa
 38°N 8°O / 38, -8Coordenadas: 38°N 8°O / 38, -8
EstadoPortugal
NUTS 1 (pt) TraducirPortugal continental Editar o valor em Wikidata
Poboación
Poboación705.478 (2018) Editar o valor em Wikidata (22,35 hab./km²)
Xeografía
Superficie31.567 km² Editar o valor em Wikidata
Comparte fronteira con
Identificador descritivo
Fuso horario
Código NUTSPT18 Editar o valor em Wikidata

Localización da rexión (NUT II) de Alentexo. Vermello: Alentexo; Verde bosque: parte do Ribatexo incluída na rexión NUTSII de Alentexo; Verde cal: Parte do Ribatexo incluída na rexión NUTSII do Centro; Verde esmeralda: parte do Ribatexo incluída na Rexión de Lisboa

O Alentexo[1][2][3] (en portugués: Alentejo) é unha rexión (NUTS II) portuguesa. Abrangue unha área de 31.152 km² (o 33% do territorio continental portugués) e ten unha poboación de 770.265 habitantes (o 8% da poboación continental portuguesa). A rexión propiamente dita de Alentejo (sen Lezíria do Tejo) ten 511.157 habitantes e unha área de 27.276 km².

Comprende integramente os distritos de Portalegre, Évora e Beja, e as metades sur dos distritos de Setúbal e de Santarém. Limita ao norte coa Rexión Centro, ao noroeste coa Rexión de Lisboa, ao leste con España, ao sur co Algarve e ao oeste co océano Atlántico. Abrangue 58 concellos (18,8 % do total portugués) pertencentes a cinco subrexións estatísticas (NUTS III): Alentexo Central, Alentexo Litoral, Alto Alentexo, Baixo Alentexo e Lezíria do Texo.

A división actual non coincide coa antiga rexión tradicional do Alentexo (que non constituía unha provincia por si, aínda que o Alentexo era considerado como a unión das dúas provincias do Alto e Baixo Alentexo), a cal era lixeiramente menor que a actual: incluía apenas os distritos de Évora e Beja (na súa totalidade), case todo o distrito de Portalegre (agás o concello de Ponte de Sôr, que formaba parte do Ribatexo), e a metade sur do de Setúbal (os concellos dese distrito que forman parte da actual rexión do Alentexo Litoral, a saber: Alcácer do Sal, Grândola, Santiago do Cacém e Sines).

O seu topónimo fai referencia aos terreos situados máis alá do río Texo.

Xeografía[editar | editar a fonte]

O Alentexo é unha rexión cun relevo baixo, formada por solos ácidos, e cun clima mediterráneo con influencia oceánica. Nas súas devesas crecen a meirande parte das sobreiras de Portugal, que fan deste país o primeiro produtor mundial de cortiza con preto do 50% da produción total[Cómpre referencia]. Tamén foi a última rexión portuguesa na que viviu o lince ibérico.

As súas costas están pouco urbanizadas a causa do forte vento que vén do océano, o cal favorece a formación de grandes sistemas dunares.

Notas[editar | editar a fonte]

  1. Definicións no Dicionario da Real Academia Galega e no Portal das Palabras para alentexano.
  2. Anaír Rodríguez Rodríguez, Montserrat Davila Ventura. Área de Normalización Lingüística da Universidade de Vigo, ed. Lingua galega: dúbidas lingüísticas (PDF). p. 111. ISBN 84-8158-266-2. 
  3. Gran dicionario século21 da lingua galega. Editorial Galaxia. 2006. p. 1440. ISBN 9788482893419. 

Véxase tamén[editar | editar a fonte]

Ligazóns externas[editar | editar a fonte]