Muraño de Cabrera
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2018.) |
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
| Muraño de Cabrera | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Neomys anomalus | |||||||||||||||||
| Estado de conservación | |||||||||||||||||
 Pouco preocupante[1] | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| Neomys anomalus (A.Cabrera, 1907) | |||||||||||||||||
 Mapa de distribución de N. anomalus
| |||||||||||||||||
| Sinonimia | |||||||||||||||||
| |||||||||||||||||
O muraño de Cabrera ou murgaño de Cabrera[Cómpre referencia] (Neomys anomalus) é unha especie de mamífero soricomorfo da familia Soricidae.
Morfoloxía
[editar | editar a fonte]O murgaño de Cabrera é de pequeno tamaño, de 6 a 9 cm de tronco, e de 4 a 6 cm de cola, cun peso total de entre 7,5 a 16 g. A cor varía, o bandullo sempre é claro, case branco, e a cola é bicolor. As orellas están ocultas totalmente no pelame, o fociño é groso e os dentes de cor granate.
A orla das cerdas natatorias nos pés traseiros, está menos desenvolvida cá noutras especies de murgaño (Neomys fodiens), por estar menos ligado á auga.
Distribución e hábitat
[editar | editar a fonte]Áchase en toda Europa e occidente de Asia, mais é menos abondoso có patibranco, faltando na Europa do norte e Inglaterra.
Habita en augas limpas e non contaminadas e fendas de mananciais. Nas montañas vive en pastos húmidos, en zonas pantanosas, ladeiras e prados húmidos; mesmo se lle acha ás veces nos edificios. É un bo indicador da pureza de ríos e regatos.
Comportamento
[editar | editar a fonte]Nada e mergulla moi ben, é activo as 24 horas, o seu metabolismo é semellante ao dos ratos. Escarva galerías nas beiras, é gregario, o seu niño é unha bóla grande e compacta de herba, raíces e musgo, dentro dunha cavidade. A súa pel de veludo non se molla ao mergullar (inclusións de aire).
É territorial na época de celo, que dura dende abril a setembro, con frecuentes loitas, onde os animais berran, forte e perceptiblemente, teñen 2-3 camadas ao ano, de 4 a 8 crías, por camada, espidas e cegas, poden vivir 1 ou 2 anos.
Aliméntanse de insectos e outros pequenos invertebrados, caracois acuáticos, pequenos peixes e ras, adoitan devorar as súas presas, localizadas polo cheiro, en terra, raras veces na auga.
Notas
[editar | editar a fonte]- ↑ Hutterer, R., Amori, G., Kry?tufek, B., Yigit, N., Mitsain, G., Meinig, H., Bertolino, S. & Muñoz, L.J.P. 2008. Neomys anomalus. In: IUCN 2009. IUCN Rede List of Threatened Species. Version 2009.2. www.iucnredlist.org. 30 de novembro de 2009.
Véxase tamén
[editar | editar a fonte] |
Wikispecies posúe unha páxina sobre: Muraño de Cabrera |
 |
Commons ten máis contidos multimedia sobre: Muraño de Cabrera |
Ligazóns externas
[editar | editar a fonte]- Directiva Hábitats 92/43/CEE. Completa
- "Neomys anomalus" no Atlas y Libro Rojo de mamíferos terrestres de España(2007). Arquivo en pdf. (en castelán)
