Soricomorfos

Na Galipedia, a Wikipedia en galego.
(Redirixido desde "Soricomorpha")
Soricomorfos
Soricomorpha

Rango fósil: eoceno medio - actualidade
Sorex minutus
Sorex minutus
Clasificación científica
Reino: Animalia
Filo: Chordata
Subfilo: Vertebrata
Clase: Mammalia
Infraclase: Placentalia
Superorde: Laurasiatheria
Orde: Soricomorpha
Gregory, 1910
Familias e Subfamilias
Véxase o texto

A dos soricomorfos (Soricomorpha) é unha orde de mamíferos placentarios.[1]

Até hai poucos anos, as especies que hoxe integran a orde formaban un grupo importante dentro da antiga orde dos insectívoros. Porén, demostrouse que esta orde era polifilética, polo que varias novas ordes separáronse del, como a dos afrosorícidos (que inclúe os tenrecs e as toupas douradas), a dos macroscelideos (as musarañas elefante) a dos erinaceomorfos (que alberga aos ourizos e aos ximnuros), deixando só catro familias que son as que comprende esta nova orde, como se mostra máis abaixo.[1]

Posteriormente demostrouse que Soricomorpha era un grupo parafilético, porque os sorícidos compartiron un antepasado común máis recente cos erinaceidos que con outros soricomorfos.[2] Demostrouse que a reunión dos Soricomorpha e os Erinaceidae era un grupo monofilético, coñecido por algúns autores como a orde dos Eulipotyphla.[3]

Entre outras especies pertencen á orde dos soricomorfos as toupas e as musarañas.

Taxonomía[editar | editar a fonte]

Descrición da orde[editar | editar a fonte]

A orde dos Soricomorpha foi creada en 1910 polo paleontólogo estadounidense William King Gregory (1876-1970), pero non foi adoptada fóra da paleontoloxía até os inicios do século XXI, grazas aos avances da xenética.

Etimoloxía[editar | editar a fonte]

O nome científico Soricomorpha está formado pola unión dos elementos do latín científico soric-, raíz derivada do xenitivo de sōrex, -icis, "rato", e tamén "musaraña", e -morpha, forma neutra derivada do grego antigo μορφή morphé, "forma", usando a vogal -o- como elemento de unión para facilitar a pronuncia. Literalmente: "os que teñen forma de musaraña".

Clasificación[editar | editar a fonte]

A orde dos soricomorfos divídese en catro familias.[4]

As especies do xénero Nesophontes, único da familia dos Nesophontidae, parece que sobreviviron á extinción plistocena tardía, polo menos sábese que cinco especies existiron en América en época poscolombina.[7]

Galería[editar | editar a fonte]

Notas[editar | editar a fonte]

  1. 1,0 1,1 Hutterer, R. (2005): Soricomorpha, en Wilson, D. E. & Reeder, D. M., eds. Mammal Species of the World: A Taxonomic and Geographic Reference 3rd ed. Baltimore: The Johns Hopkins University Press. ISBN 978-0-8018-8221-0, pp. 220–311.
  2. A. L. Roca, G. K. Bar-Gal, E. Eizirik, K. M. Helgen, R. Maria, M. S. Springer, S. J. O'Brien & W. J. Murphy (2004): "Mesozoic origin for West Indian insectivores". Nature 429 (6992): 649–651. Resume.
  3. Robin M. D. Beck, Olaf R. P. Bininda-Emonds, Marcel Cardillo, Fu-Guo Robert Liu & Andy Purvis (2006): "A higher level MRP supertree of placental mammals". BMC Evolutionary Biology 6: 93.
  4. Soricomorpha en Mammal Species of the World.
  5. Soricidae en MSW.
  6. Talpidae en MSW.
  7. Nesophontidae en MSW.

Véxase tamén[editar | editar a fonte]

Bibliografía[editar | editar a fonte]

  • Madsen, O.; Scally, M.; Douady C. J. et al. (2001): "Parallel adaptive radiations in two major clades of placental mammals". Nature 409 (6820): 610–614.
  • Murphy, W. J. et al. (2001): "Molecular phylogenetics and the origins of placental mammals". Nature 409 (6820): 614–618.
  • Wilson, D. E. & Reeder, D. M., eds. (2005): Mammal Species of the World: A Taxonomic and Geographic Reference 3rd ed. Baltimore, Marylando, USA: The Johns Hopkins University Press. ISBN 978-0-8018-8221-0.
  • Yates, T. L. (1984): "Insectivores, elephant shrews, tree shrews, and dermopterans" en Anderson, S. & J. K. Jones, Jr., eds. Orders and Families of Recent Mammals of the World. New York: John Wiley and Sons, pp. 117–144.

Outros artigos[editar | editar a fonte]

Ligazóns externas[editar | editar a fonte]