Naruhito

Naruhito
Nome completo	浩宮徳仁親王
Nacemento	23 de febreiro de 1960
Lugar de nacemento	Hospital of the Imperial Household
Nacionalidade	Xapón
Relixión	Xintoísmo
Alma máter	Gakushūin, Universidade de Gakushuin e Merton College
Ocupación	monarca e aristócrata
Pai	Akihito
Nai	Imperatriz Michiko do Japão
Cónxuxe	Masako
Fillos	Aiko, Princesa Toshi
Irmáns	Sayako Kuroda e Príncipe Akishino
Coñecido por	The Thames and I
Premios	Cabaleiro da Gran Cruz da Orde ao Mérito da República Italiana, Grand Cross of the Order of Merit of Hungary, Order of the Crown (Netherlands), Grand Cordon of the Supreme Order of the Chrysanthemum, Gran Cruz da Orde de San Olaf, Order of Merit (Qatar), Grand Cross of Honor for Services to the Republic of Austria, Grand Cordon of the Order of Leopold, Orde do Elefante, Grand Cross of the Order of the Redeemer, Gran Cruz da Orden de Carlos lll, Order of Sikatuna, Ordem do Serafim, Order of Zayed, Orde Suprema do Crisantemo con colar, Grand Cordon of the Order of the Paulownia Flowers, Orden da Cultura, Grã-Cruz da Ordem Militar de Cristo, Order of the Gold Lion of the House of Nassau, Ordem de Santo Olavo, Ordem do Mérito da República da Hungria, Ordem de Leopoldo, Ordem do Redentor, Orde de Cristo, Ordem de Carlos III e Grande Cruz do Mérito da República Federal da Alemanha
[ editar datos en Wikidata ]

Naruhito do Xapón

Naruhito (en xaponés 皇太子徳仁親王, pronunciado: /na'ɺ̠ɯçito/), nado en Toquio o 23 de febreiro de 1960, cuxo nome completo é Hiro-non-miya Naruhito Shinno, é o emperador do Xapón desde o 1 de maio de 2019.

Traxectoria

Naruhito naceu no Palacio de Tsugo. Segundo o horóscopo chinés é A rata. Desde o seu nacemento ensinóuselle cal ía ser o seu papel nun futuro. foi o único herdeiro ao trono nipón que recibiu unha educación tan esmerada e tan global. Foi educado no Palacio Tsugo baixo estritos preceptores. Coa súa maioría de idade, os emperadores enviárono a estudar a Gran Bretaña na Universidade de Oxford onde defendeu a súa tese sobre o Transporte marítimo no río Támese no século XVIII. Ao volver ao Xapón matriculouse na Universidade de Gakushuin, obtendo a titulación de Historia e especializándose en Historia Medieval do Xapón. Ademais tamén coñece á perfección, separadamente do xaponés, o inglés, o chinés, o alemán e algo de español.

Naruhito, desde ceda idade, representou ao seu pai en numerosas ocasións. Na época de estudante, viaxou polo mundo enteiro e sempre quixo coñecer costumes e modos de vida que se afastaban das pautas seguidas no Xapón milenario. Con todo, á hora de vivir na súa terra e cos seus, asumiu á perfección os diversos ritos entre os que viven os seus concidadáns. En 2013, no marco dunha visita institucional a España, visitou Santiago de Compostela e percorreu un anaco do Camiño de Santiago.

Matrimonio e descendencia

Cando chegou o momento de elixir esposa, Naruhito elixiu a dedo a Masako Owada, con quen se casaría o 9 de xuño de 1993 mediante o rito xintoísta; as celebracións polo enlace duraron tres días. Aínda que elixiu á súa esposa entre unha serie de mulleres nunha lista, el declarou que está completamente namorado dela. O 31 de decembro de 1999, a princesa Masako Owada sufriu un aborto.

• Aiko, nacida o 1 de decembro de 2001.

O feito de que sexa unha nena, levantou un forte debate nacional sobre o cambio da Lei de Sucesión ao Trono, xa que no Xapón as mulleres non poden reinar. Este feito, polo que parece, sumiu a Masako Owada nunha profunda depresión, engadindo tamén o estrito protocolo da Casa Imperial.

Títulos

• 23 de febreiro de 1960 – 23 de febreiro de 1991: Súa Alteza Imperial o Príncipe Hiro.
• 23 de febreiro de 1991 – 30 de abril de 2019: Súa Alteza Imperial o Príncipe Herdeiro do Xapón.
• 1 de maio de 2019 – presente: Súa Maxestade o Emperador

Véxase tamén

Outros artigos

• Xapón
• Masako Owada