Akihito

Akihito
	Emperador do Xapón
Reinado	7 de xaneiro de 1989 - 30 de abril de 2019
Nacemento	23 de decembro de 1933 (89 anos); Toquio, Xapón
Predecesor	Hirohito
Rexente	Naruhito
Cónxuxe/s	Michiko
Casa real	Casa Imperial do Xapón
Himno real	Kimigayo; (Que o seu reinado dure eternamente)
Proxenitores	Hirohito; Emperatriz Kōjun
Na rede
	v; c; e;

Akihito (明仁), nado o 23 de decembro de 1933, foi o emperador do Xapón dende o 7 de xaneiro de 1989, entronizado o 12 de novembro de 1990, ata a súa abdicación o 30 de abril de 2019. Akihito é o fillo máis vello de Hirohito e Nagako, separado dos seus pais e educado por preceptores ata que en 1940 ingresou na escola Gakushuin.

Traxectoria[editar | editar a fonte]

Quinto fillo e maior dos varóns do Emperador Shōwa (Hirohito) e da Emperatriz Kōjun (Nagako). Foi separado dos seus pais aos trece anos, e recibe o título de príncipe Tsugu (継宮 Tsugu no miya). Akihito foi educado por preceptores privados e estudou entre 1940 e 1952 na Escola Superior Gakushuin de Toquio. Durante o bombardeo de Toquio en marzo de 1945, foi evacuado da cidade xunto co seu irmán pequeno, o príncipe Masahito (que desde esa época leva o título de príncipe Hitachi). Baixo a ocupación estadounidense trala segunda guerra mundial, Elizabeth Gray Viningel deulle clases de inglés. Durante un breve período estuda no departamento de Ciencias Políticas da Escola Superior Gakushuin.

Akihito foi investido como príncipe herdeiro (立太子の礼 Rit'taishi no Rei) no Palacio Imperial o 10 de novembro de 1952. En xuño de 1953, foi o encargado de representar ao Xapón na coroación da raíña Isabel II do Reino Unido.