Akihito

Súa Maxestade Imperial
Akihito
	;
Biografía
Nacemento	(ja) 継宮明仁親王 ; 23 de decembro de 1933 (92 anos); Palacio Imperial de Tokyo, Xapón
Emperor Emeritus (en)
	1 de maio de 2019 –
125º Emperador do Xapón
	7 de xaneiro de 1989 – 30 de abril de 2019 (abdicación) ; ← Hirohito – Naruhito →
Datos persoais
Relixión	Xintoísmo
Educación	universidade Gakushūin
Altura	1,65 m
Actividade
Ocupación	monarca, zoólogo, ictiólogo, biólogo mariño
Instrumento	Violoncello
Obra
	Obras destacables A Message from His Majesty The Emperor (March 16, 2011) (en) ; (2016) Message from His Majesty the Emperor (August 8, 2016) (en) ;
Outro
Título	Emperor Emeritus (en) (2019–); Emperador do Xapón (1989–2019); Herdeiro ao trono do Xapón (1951–1989)
Familia	Familia Imperial do Xapón
Cónxuxe	Michiko Shōda (1959–)
Fillos	Naruhito, Príncipe Akishino, Sayako Kuroda
Pais	Hirohito e Imperatriz Kōjun
Irmáns	Shigeko Higashikuni; Sachiko de Hisa; Kazuko Takatsukasa; Atsuko Ikeda; Príncipe Hitachi; Takako Shimazu
Premios
	(3 de xuño de 2015) Order of Lakandula (en) ../... 47+ ;
	Sinatura

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Akihito (明仁), nado o 23 de decembro de 1933, foi o emperador do Xapón dende o 7 de xaneiro de 1989, entronizado o 12 de novembro de 1990, ata a súa abdicación o 30 de abril de 2019. Akihito é o fillo máis vello de Hirohito e Nagako, separado dos seus pais e educado por preceptores ata que en 1940 ingresou na escola Gakushuin.

Nome

Durante o seu reinado, era chamado só polo seu título, Tennō Heika (en galego: A Súa Maxestade o Emperador), que pode acurtarse como Tennō (o Emperador) ou Heika (a Súa Maxestade). O período do reinado de Akihito, entre 1989 e 2019, recibe o nome de era Heisei; segundo o costume tradicional, tras o seu pasamento, Akihito pasará a denominarse oficialmente emperador Heisei (en xaponés: 平成天皇, Heisei Tennō) como 125º emperador do Xapón, por orde do Gabinete.

Tras a súa abdicación, é común referirse a el como Jōkō, que significa "emperador emérito".^[1]

Traxectoria

Quinto fillo e maior dos varóns do Emperador Shōwa (Hirohito) e da Emperatriz Kōjun (Nagako). Foi separado dos seus pais aos trece anos, e recibe o título de príncipe Tsugu (継宮 Tsugu no miya). Akihito foi educado por preceptores privados e estudou entre 1940 e 1952 na Escola Superior Gakushuin de Tokyo. Durante o bombardeo de Tokyo en marzo de 1945, foi evacuado da cidade xunto co seu irmán máis novo, o príncipe Masahito (que desde esa época leva o título de príncipe Hitachi). Baixo a ocupación estadounidense trala segunda guerra mundial, Elizabeth Gray Viningel deulle clases de inglés. Durante un breve período estuda no departamento de Ciencias Políticas da Escola Superior Gakushuin.

Akihito foi investido como príncipe herdeiro (立太子の礼 Rit'taishi no Rei) no Palacio Imperial o 10 de novembro de 1952. En xuño de 1953, foi o encargado de representar ao Xapón na coroación da raíña Isabel II do Reino Unido.