Músculos interóseos palmares da man
| Músculos interóseos palmares da man | |
|---|---|
 | |
| Os músculos interóseos palmares. | |
| Latín | musculi interossei palmares manus |
| Gray's | pág.464 |
Os músculos interóseos palmares da man son un conxunto de músculos do membro superior humano, pertencentes á man. Son catro músculos situados por diante dos músculos interóseos dorsais da man, orixinados nos metacarpianos dos dedos cos que se relacionan.
O primeiro músculo interóseo palmar ten a súa orixe na superficie medial da parte palmar do primeiro metacarpiano e se insire na base da falanxe proximal do polgar e na vaina extensora. Acoita haber un óso sesamoide no interior do tendón.
O segundo interóseo palmar orixínase na superficie medial do segundo metacarpiano e se insire na superficie medial da expansión dorsal do dedo índice.
O terceiro e cuarto interóseos palmares orixínanse nas superficies laterais do cuarto e quinto metacarpianos e se insiren nas superficies laterais das respectivas vainas extensoras.
Pasan por debaixo dos ligamentos metacarpianos transversos fondos.
Funcións[editar | editar a fonte]
Os interóseos palmares aducen o polgar, o dedo índice, o dedo anular e o maimiño. Tamén realizan flexo-extensión polas súas unións ás vainas extensoras.
Innervación[editar | editar a fonte]
Os catro están innervados pola póla fonda do nervio cubital.
Véxase tamén[editar | editar a fonte]
Bibliografía[editar | editar a fonte]
- Gray. Anatomía para estudiantes. Miembro superior (en castelán)
