Músculo flexor común fondo dos dedos da man

Na Galipedia, a Wikipedia en galego.

O músculo flexor común fondo dos dedos da man é un músculo do membro superior humano, situado no compartimento anterior do antebrazo, pertencente ao plano muscular fondo. Orixínase no cúbito e na membrana interósea entre o radio e o cúbito, para despois atravesar o túnel carpiano e dividirse en catro tendóns. Na maior parte do percorrido áchase cuberto polos tendóns do flexor común superficial.

Antes de inserirse na falanxe, o tendón está rodeado dunha estrutura fibrosa que o protexe. Na palma da man, a ambos os dous lados sitúanse os músculos lumbricais da man. Como os tendóns cruzan todo o pulso, a contracción do músculo pode flexionar tal articulación.

Orixe e insercións[editar | editar a fonte]

Orixínase na superficie anterior e medial do cúbito e metade medial da membrana interósea. Insírese nas falanxes da segunda á quinta en forma de catro tendóns.

Función[editar | editar a fonte]

Flexiona os dedos segundo a quinto.

Innervación[editar | editar a fonte]

Os feixes laterais son innervados polo nervio mediano a través da súa póla o nervio interóseo anterior. Os feixes mediais son innervados polo nervio cubital.

Vascularización[editar | editar a fonte]

É vascularizado pola arteria interósea anterior, unha póla da arteria cubital.

Véxase tamén[editar | editar a fonte]