My Own Private Idaho

My Own Private Idaho
	Título My Own Private Idaho
	Instancia de filme
	Xénero filme de amigos; filme de estrada; filme independente; cinema dramático; cinema LGBT
	Lingua orixinal lingua inglesa; lingua italiana
	Cor en cor
Autoría
	Director/a Gus Van Sant
	Compositor/a Bill Stafford
	Guionista Gus Van Sant
	Director/a fotografía Eric Alan Edwards
	Editor/a de cine Curtiss Clayton
	Actores Keanu Reeves ; Udo Kier ; Tom Troupe ; Massimo Di Cataldo ; Jim Caviezel ; Gus Van Sant ; Scott Patrick Green ; Grace Zabriskie ; Chiara Caselli ; River Phoenix ; Flea ; James Russo ; Rodney Harvey ; William Richert
Temática
	Tema principal prostitución
	Ambientado en Italia; Portland; Seattle; Idaho
	Baseado en Henrique IV, parte 1; Henrique IV, parte 2; Henrique V
	Inspirado na obra de William Shakespeare
Publicación
	Compañía produtora New Line Cinema
	Distribuidor/a Fine Line Features; Netflix
	Recadación 6.406.097 $
	Custo 2.500.000 $
	Formato de distribución vídeo baixo demanda
	Puntuación da crítica 80% Rotten Tomatoes (27 de outubro de 2024); 77/100 Metacritic (26 de febreiro de 2024); 7.7/10 Rotten Tomatoes (6 de outubro de 2021)
	Premios Premio Independent Spirit ao mellor actor (1992); Premio Independent Spirit ao mellor guión (1992); National Society of Film Critics Award ao mellor actor (1991); Copa Volpi (1991)
	Nomeamentos Premio Independent Spirit ao mellor actor (1992); Premio Independent Spirit ao mellor guión (1992); Premio Independent Spirit ao mellor director (1992); Premio Independent Spirit á mellor fotografía (1992); National Society of Film Critics Award ao mellor actor (1991); León de Ouro (1991)
Datas
	Data de publicación 28 de novembro de 1991 (Alemaña) ; 20 de xullo de 1991 ; 1991
	Data de publicación 28 de novembro de 1991 (Alemaña) ; 20 de xullo de 1991 ; 1991
Dimensión
Duración
Duración	102 min
Localización
	Lugar de rodaxe Roma
	País de orixe Estados Unidos de América
Identificadores
ISAN
ISAN	0000-0000-7179-0000-H-0000-0000-N
Freebase	/m/02vrpz
Fontes e ligazóns
	Páxina WEB myownprivateidaho.com
	Redes
	Wikidata

My Own Private Idaho é un filme estadounidense de 1991 escrito e dirixido por Gus Van Sant. Está vagamente baseado nas obras de Shakespeare Henrique IV, parte 1, Henrique IV, parte 2 e Henrique V. Conta a historia de dous amigos, Michael Waters e Scott Favor, interpretados por River Phoenix e Keanu Reeves respectivamente, que se embarcan nunha viaxe de descubrimento persoal que os leva dende Portland, Oregón até o fogar de Mike en Idaho, e posteriormente a Roma na procura da nai de Mike.

Van Sant escribiu orixinalmente o guión na década de 1970, mais desbotouno despois de ler a novela de John Rechy City of Night e concluír que o tratamento que Rechy facía do tema da prostitución masculina era mellor que o seu. Co paso dos anos, Van Sant escribiu de novo o guión, o cal comprendía dúas historias: unha na que Mike busca a súa nai, e outra a vida de Scott é unha interpretación moderna das obras de Henrique IV. Van Sant tivo dificultades para atopar financiamento de Hollywood, e chegou a considerar en facer o filme cun orzamento minúsculo cun elenco composto por mozos reais da rúa. Porén, despois de enviarlle copias do guión a Reeves, e logo de que Reeves llas amosase a Phoenix, ámbolos dous acordaron interpretar no filme.

My Own Private Idaho estreouse na 48ª edición do Festival Internacional de Cinema de Venecia, e recibiu valoracións moi positivas por parte da crítica, como Roger Ebert e os críticos de The New York Times e Entertainment Weekly. O filme tivo un éxito moderado de recadación, recadando máis de 6,4 millóns de dólares en América do Norte, por enriba do seu orzamento estimado de 2,5 millóns de dólares. Phoenix recibiu numerosos premios pola súa interpretación no filme, incluíndo o Volpi Cup ó mellor actor no Festival de Venecia, o Best Male Lead dos Premios Independent Spirit, e o premio ao mellor actor no National Society of Film Critics.

My Own Private Idaho é considerado un fito no movemento do Novo Cinema Queer, un movemento de cinema independente de comezos da década de 1990.^[1] Dende a súa estrea en 1991, o filme conseguiu unha gran popularidade e converteuse nun clásico de culto, especialmente entre a audiencia LGBT. O filme salienta pola súa temática, tabú naquela época, e polo seu estilo vangardista.^[2]^[3]

Personaxes

River Phoenix como Michael "Mike" Waters
Keanu Reeves como Scott Favor
James Russo como Richard Waters
William Richert como Bob Pigeon
Chiara Caselli como Carmela
Udo Kier como Hans
Rodney Harvey como Gary
Michael Parker como Digger
Jessie Thomas como Denise
Grace Zabriskie como Alena
Flea como Budd
Tom Troupe como alcalde Jack Favor
Vana O'Brien como Sharon Waters
Jim Caviezel como empregado da aeroliña
Wade Evans como Wade

Notas

↑ Smith, Nathan (5 de febreiro de 2015). Times Higher Education, ed. "Twenty-five years of New Queer Cinema". Consultado o 4 de abril de 2018.
↑ Portwood, Jerry (25 de outubro de 2015). Out, ed. "The Enduring Power of My Own Private Idaho". Consultado o 4 de abril de 2018.
↑ Collins, K. Austin (29 de setembro de 2016). "'My Own Private Idaho' Is a Queer Masterpiece". The Ringer. Consultado o 4 de abril de 2018.

Véxase tamén

Ligazóns externas

My Own Private Idaho na IMDb (en inglés).
Ficha en AllMovie (en inglés)
Ficha en RottenTomatoes (en inglés)
Ficha en BoxOfficeMojo (en inglés)

[1] Smith, Nathan (5 de febreiro de 2015). Times Higher Education, ed. "Twenty-five years of New Queer Cinema". Consultado o 4 de abril de 2018.

[2] Portwood, Jerry (25 de outubro de 2015). Out, ed. "The Enduring Power of My Own Private Idaho". Consultado o 4 de abril de 2018.

[3] Collins, K. Austin (29 de setembro de 2016). "'My Own Private Idaho' Is a Queer Masterpiece". The Ringer. Consultado o 4 de abril de 2018.

[1]

[2]

[3]