Molina de Aragón
| Molina de Aragón | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| Wikidata C:Commons | |||||||||||||||||||||
.jpg?lang=gl)
Molina de Aragón é unha localidade e un concello da provincia de Guadalaxara, na comunidade autónoma de Castela - A Mancha. A súa poboación era de 3.656 habitantes en 2006.
O municipio, de 168 km², limita polo norte co de Rueda de la Sierra, polo noroeste con Tortuera e máis Embid, polo leste con Campillo de Dueñas e La Yunta, polo sueste con Castellar de la Muela, polo sur con Prados Redondos, polo suroeste con Castilnuevo, polo oeste con Corduente e polo nordeste con Rillo de Gallo.
Xeografía
[editar | editar a fonte]Hidrografía
[editar | editar a fonte]O río Gallo atravesa a poboación. Polo sur bordea a vila o arroio de La Cava, unha rambla —corga característica da España mediterránea— que polo xeral leva auga e que no ano 1930 produciu graves inundacións.
Economía
[editar | editar a fonte]Molina é unha vila dedicada ao comercio e aos servizos, con escasa industria. É o centro administrativo comarcal dunha área eminentemente agrícola e gandeira, cun incipiente turismo rural atraído pola natureza.
Historia
[editar | editar a fonte]O nome actual da poboación procede da súa antiga pertenza á Coroa de Aragón. Pese a que foi tomada por Castela aos musulmáns, durante a guerra entre Castela e Aragón de 1356-1369, a vila (coñecida como Molina de los Caballeros, Molina de los Condes ou, simplemente, Villa de Molina) e máis a súa comarca pasaron ao reino de Aragón.
No ano 1375 foi reconquistada polas tropas de Pedro o Cruel de Castela, durante unha expedición de castigo contra os aragoneses que daban apoio a seu irmán bastardo Henrique na guerra que ambos mantiñan polo trono castelán. O exército chegou mesmo a conquistar Teruel, mais nos tratados de paz seguintes os casteláns retiraríanse de todos os territorios e localidades ocupadas, salvo da contorna de Molina, que sería coñecida a partir de entón como de Aragón. A vila de Molina, residencia habitual de Pedro I desde aquela altura, foi considerada como un territorio aparte, en mans do rei, costume que perdurou até a actualidade, xa que entre os títulos señoriais do rei de España, Xoán Carlos I, continúa a figurar o de "Señor de Molina".
Monumentos e lugares de interese
[editar | editar a fonte]- O Castelo ou Alcácer, un dos maiores de España.
- A ponte románica.
- A igrexa e o convento de San Francisco.
- A igrexa de Santa Clara.
En xeral a vila conserva boa parte do seu patrimonio medieval e da idade moderna.
Contorno ambiental
[editar | editar a fonte]Molina está situada moi preto do Parque Natural do Alto Texo, que posúe especies mediterráneas de montaña alta e mediana, en óptimo estado de conservación. Constitúe ademais unha dos maiores áreas de canóns fluviais do interior peninsular. O parque conecta aínda con zonas turísticas e paisaxísticas como son a Serranía de Cuenca ou os Montes Universales (Teruel).
A 11 km de Molina de Aragón sitúase a ermida románica da Virxe do Congosto, no interior dun barranco espectacular.
Festas locais
[editar | editar a fonte]- As festas patronais son as do Cristo de Las Victorias (1 de setembro).
- Nosa Señora do Carmo (16 de xullo), declarada de interese turístico rexional.
- A Inmaculada (8 de decembro).
- A loia á Virxe do Congosto (domingo de Pentecoste).
- A Feira Medieval (terceira fin de semana de xuño).
- O entroido.
