Matilde Felpeto

Matilde Felpeto

Biografía
Nacemento	novembro de 1947 (76 anos) A Queira, España
Datos persoais
País de nacionalidade	España
Educación	Universidade de Santiago de Compostela
Actividade
Ocupación	escritora
Lingua	Lingua castelá e lingua galega

Matilde Felpeto Lagoa, nada na Queira (Cervás, Ares) en novembro de 1947, é unha escritora galega especializada en libros de gastronomía.

Traxectoria

Licenciouse en Filoloxía Románica na Universidade de Santiago de Compostela. Iniciou a súa traxectoria profesional como funcionaria no Instituto Nacional do Libro Español (INLE), en Madrid. Encargada da redacción dos primeiros catálogos de libros escritos en galego publicados polo INLE. Pide a excedencia como funcionaria para dedicarse ó ensino. Exerceu como profesora de bacharelato e impartiu clases de Lingua e Literatura Españolas en cidades como Madrid, Ponteareas e Vigo.

Estudosa da gastronomía tradicional e popular galega. Como autora, tense dedicado ao estudo e investigación sobre a tradición gastronómica galega. É autora de varios volumes de libros de culinaria nos que se ocupa de localizar as receitas e os ingredientes que as compoñen na historia e na tradición e tamén como foi a súa evolución, tanto por razóns históricas como tecnolóxicas. Escribe en galego e en castelán.

Obra

• Recetas de la cocina familiar gallega Nigra Trea, 1ª edición, 2002. 2ª edición 2006
• Cociñar con albariño, Nigra Trea, 2007
• Recetas de repostería tradicional de la cocina gallega y portuguesa (Coautora : Elvira Araujo). Nigra Trea, 2012
• 40 menús para 40 banquetes, Nigra Trea, 2012
• El capón de Vilalba y su cocina Ediciones Trea, 2009.
• O polbo e a súa cociña, 2014, Xerais.
• Cociña Galega Tradicional. Receitas, tradición, historia e evolución. 2017, Edicións Xerais (edición en galego e en castelán).

Véxase tamén

Bibliografía

• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 561. ISBN 84-7492-465-0.