Marián Andrej Pacák

Na Galipedia, a Wikipedia en galego.
Marián Andrej Pacák
Marian Andrej Pacak.jpg
Bispo da Igrexa católica bizantina eslovaca
Biografía
Nacemento24 de abril de 1973 en Levoča, Checoslovaquia
Ordes
Ordenación sacerdotal12 de xullo de 1998, por Milan Chautur
Consagración episcopal2 de setembro de 2018, por Ján Babjak
Bispo de Santos Cirilo e Metodio de Toronto
2018 - actualidade
PredecesorJohn Stephen Pazak
Outros
Coat of arms of Marián Andrej Pacák.svg
Escudo de Marián Andrej Pacák
Ficha en catholic-hierarchy.org

Marián Andrej Pacák, nado o 24 de abril de 1973 en Levoča (Checoslovaquia, hoxe Eslovaquia) é un relixioso greco-católico eslovaco, dende 2018 bispo de Santos Cirilo e Metodio de Toronto.

Traxectoria[editar | editar a fonte]

Naceu nunha familia de greco-católicos da rexión de Prešov, en Eslovaquia oriental. Logo de completar a súa educación, se uniu á Congregación do Santísimo Redentor o 16 de agosto de 1991. Na congregación fixo os votos solemnes o 16 de agosto de 1997, e foi ordenado sacerdote o 12 de xullo de 1998 por Milan Chautur, logo de completar os estudos de Filosofía e Teoloxía no Seminario Teolóxico Redentorista de Tuchów e na Pontificia Universidade San Xoán Paulo II en Cracovia.

Logo da súa ordenación exerceu de párroco en Stará Ľubovňa entre 1998 e 2001, e entre 2008 e 2015, e tamén en Michalovce entre 2004 e 2008. Entre 2001 e 2004 licenciouse en Teoloxía moral na Academia Afonsina de Roma. Dende 2015 até 2018 foi párroco en Vranov nad Topľou.

O 5 de xullo de 2018 foi nomeado bispo dos Santos Cirilo e Metodio de Toronto polo papa Francisco. Recibiu a consagración episcopal de mans do metropolita Ján Babjak o 2 de setembro do mesmo ano, e tivo como co-consagrantes principais ao bispo de Košice Milan Chautur e ao bispo de Bratislava Peter Rusnak.[1]

Notas[editar | editar a fonte]

  1. "V Michalovciach vysvätili biskupa Mariána Andreja Pacáka CSsR". Vatican News (en eslovaco). 2 de setembro de 2018. Consultado o 22/09/2018. Pri svätej liturgii spojenej s chirotóniou bol hlavným svätiteľom prešovský arcibiskup metropolita Ján Babjak SJ, hlava Slovenskej gréckokatolíckej cirkvi sui iuris. Spolusvätiteľmi boli košický eparcha Milan Chautur a bratislavský eparcha Peter Rusnák. 


Dignidades da Igrexa católica
Predecesor:
John Stephen Pazak
 Bispo dos Santos Cirilo e Metodio de Toronto 
dende 2018
Sucesor:
(no cargo)