Marcus Walz

Marcus Walz
	; (2014)
Biografía
Nacemento	(es) Marcus Cooper Walz ; 3 de outubro de 1994 (31 anos); Oxford, Reino Unido
Residencia	Mallorca
Altura	1,86 m
Peso	85 kg
Actividade
Ocupación	caiaquista
Nacionalidade deportiva	España
Deporte	piragüismo
Participou en
2024	Xogos Olímpicos de 2024–Canoagem nos Jogos Olímpicos de Verão de 2024 - K-4 500 m masculino (pt) (medalla de bronce olímpica)
16 de agosto de 2016	Canoagem nos Jogos Olímpicos de Verão de 2016 - K-1 1000 m masculino (pt) (1º)
2016	Xogos Olímpicos de 2016–piragüismo (medalla de ouro olímpica)
	Canoagem nos Jogos Olímpicos de Verão de 2020 - K-4 500 m masculino (pt) (2º)

Marcus Cooper Walz, nado en Oxford o 3 de outubro de 1994, é un piragüista español que compite internacionalmente dende 2010. Foi unha vez campión do mundo, dúas veces campión de Europa e gañou dúas medallas olímpicas: un ouro en K-1 1000 metros en Río 2016 e unha prata en K-4 500 metros en Tokyo 2020.^[1]

Traxectoria

Nacido en Oxford dun pai británico e dunha nai alemá, a familia estableceuse en Mallorca cando Walz tiña 3 meses.^[1] Gañou a súa primeira medalla internacional no Campionato Mundial de 2014 en Moscova, ao rematar terceiro en K1 500 metros. Dous anos despois logrou a prata mundial na mesma categoría, no mesmo ano en que se proclamou campión olímpico en Río 2016, esta vez nos 1.000 metros.

A partir do seguinte ano pasou a competir en K2 e K4. Proclamouse en 2017 campión de Europa en K4 1000m (xunto a Francisco Cubelos, Javier Cabañín e Iñigo Peña), campión do mundo en K2 500 (xunto ao galego Rodrigo Germade) e subcampión do mundo en K4 500 (xunto a Rodrigo Germade, Cristian Toro e Carlos Garrote). Xunto a Germade, Toro e esta vez con Saúl Craviotto, proclamouse campión de Europa en 2018 en Belgrado no K4 500, mentres que obtivo a medalla de prata no mesmo campionato en K2 500 formando parella con Germade. Tamén en 2018 gañou a prata mundial en K4 500, no campionato celebrado en Montemor-o-Velho. Repetiu resultado no Mundial de 2019 en Szeged, no equipo formado por el, Craviotto, Germade e Carlos Arévalo.

En marzo de 2021 logrou clasificarse para a proba de K4 500 m dos Xogos Olímpicos de Tokyo 2020.^[2] Na capital xaponesa, clasificáronse para as semifinais como primeiros da súa serie e metéronse na final ao acabar as semifinais tamén na primeira posición.^[3] Xa na regata final, colocáronse na primeira posición dende a saída, pero foron adiantados nos metros finais pola piragua alemá, obtendo deste xeito a medalla de prata.^[4] Un mes e medio despois proclamouse xunto a Germade, campión do mundo de K2 500, no certame celebrado en Copenhague, superando por menos dun segundo á embarcación alemá de Martin Hiller e Tobias-Pascal Schultz.^[5]

Palmarés internacional

Xogos Olímpicos
Ano	Lugar	Medalla	Competición
2016	Río de Xaneiro	Ouro	K1 1000 m
2021	Tokyo	Prata	K4 500 m
Campionato Mundial
Ano	Lugar	Medalla	Competición
2014	Moscova	Bronce	K1 500 m
2015	Milán	Prata	K2 500 m
2017	Račice	Ouro	K2 500 m
2017	Račice	Prata	K4 500 m
2018	Montemor-o-Velho	Prata	K4 500 m
2019	Szeged	Prata	K4 500 m
2021	Copenhague	Ouro	K2 500 m
Campionato Europeo
Ano	Lugar	Medalla	Competición
2017	Plovdiv	Ouro	K4 1000 m
2018	Belgrado	Ouro	K4 500 m
2018	Belgrado	Prata	K2 500 m