Mar Fernández Vázquez

Mar Fernández Vázquez

Biografía
Nacemento	2 de febreiro de 1973 (52 anos)
Educación	Universidade de Santiago de Compostela
Actividade
Ocupación	filóloga, escritora
Empregador	Universidade de Vigo (2018–2023) Universidade de Santiago de Compostela (2014–2016) Universidade de Santiago de Compostela (2012–2014) Universidade de Santiago de Compostela (2012–) Universidade de Santiago de Compostela (2011–2012) Centro Ramón Piñeiro para a Investigación en Humanidades (2008–2011)

María del Mar Fernández Vázquez, nada o 2 de febreiro de 1973^[onde?], é unha investigadora e profesora universitaria galega.

Traxectoria

Na imaxe (2016), de esquerda a dereita, as filólogas Isabel Mociño, Carmen Ferreira Boo, Mar Fernández Vázquez, Blanca-Ana Roig Rechou, Eulalia Agrelo Costas, Isabel Soto e Marta Neira, redactoras da obra Historia da Literatura Infantil e Xuvenil Galega, publicada en 2015 por Xerais.

Licenciouse en Filoloxía Hispánica e Filoloxía Románica na Universidade de Santiago de Compostela. Foi bolseira en distintos proxectos de investigación e participou en distintos traballos e publicacións dirixidos por Blanca-Ana Roig, en especial ao redor da literatura infanto-xuvenil galega. Moitos deses traballos engrosaron publicacións colectivas.

Colaborou na Gran Enciclopedia Galega con varios artigos e nos Informes de literatura (con Esther de León Viloria) entre o 2007 e o 2009. A partir de 2018 dá clase de didáctica das linguas e de literatura infantil e xuvenil na Universidade de Vigo.

Obras

• Historia da Literatura Infantil e Xuvenil Galega (2015, Xerais). Esta obra ten unha autoría colectiva (Blanca Ana Roig, Eulalia Agrelo, Pilar Bendoiro, Carmen Ferreira Boo, Isabel Mociño, Marta Neira e Isabel Soto, ademais de Mar Fernández Vázquez) e foi coordinada por Blanca-Ana Roig.

• El gusano de seda y la araña, adaptación da obra de Tomás de Iriarte, ilust. Jon González Arroyo (Hércules de Ediciones, 2013). Publicado tamén en galego como O verme de seda e a araña.