Manuel Otero Bárcena

Manuel Otero Bárcena

Biografía
Nacemento	1877 Santiago de Compostela, España
Morte	28 de agosto de 1945 (67/68 anos) Valga, España
Datos persoais
País de nacionalidade	España
Actividade
Ocupación	empresario
Lingua	Lingua castelá
Familia
Irmáns	Joaquín Otero Bárcena

Manuel Otero Bárcena, nado en Santiago de Compostela en 1877 e finado en Valga o 28 de agosto de 1945, foi un empresario galego.

Traxectoria

De pé, de esquerda a dereita: Apolinar Torres, Avelino Rodríguez Elías, Laureano Domínguez Cao-Cordido e Manuel Lustres Rivas, sentados Jaime Solá, Manuel Otero Bárcena e Blas Agra Mancebo, na entrega do premio de xornalismo Manuel Otero Bárcena, 1932.

Fillo de Joaquín Otero Mariño e de Concepción Bárcena Franco e irmán de Joaquín Otero Bárcena. Foi o primeiro empresario que fretou vagóns frigoríficos para transportar o peixe galego a Madrid e Barcelona. Foi presidente da Cámara de Comercio e da Liga de Amigos e deputado provincial. Foi director-propietario de Faro de Vigo de 1929 a 1944, transformou a empresa en sociedade anónima e adquiriu a propiedade do Faro de Vigo á familia Lema en 1935, para devolverlla en 1944, un ano antes da súa morte. Finou na Bouza (Valga) o 28 de agosto de 1945.

Vida persoal

Casou con María Dolores Rubido Martínez e foi pai de María Concepción, Manuel, María Isabel e Maria Antonia Otero Rubido.

Véxase tamén

Bibliografía

• Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. p. 98. VG 955-2010. 

Outros artigos

• Joaquín Otero Bárcena