Manuel Fariña Suárez

Manuel Fariña Suárez
Biografía
Nacemento	1943 ; Cabana de Bergantiños, España
Morte	7 de xuño de 2000 (56/57 anos); A Coruña, España
Alcalde de Cabana de Bergantiños
	1999 – 2000 (finado no cargo) – Enrique Díaz Varela →
Alcalde de Cabana de Bergantiños
	1977 – 1995
Actividade
Ocupación	político, mestre
Partido político	Partido dos Socialistas de Galicia ; Partido Demócrata Popular

Manuel Fariña Suárez, nado en Cabana de Bergantiños en 1943 e finado na Coruña o 7 de xuño de 2000, foi un político e mestre galego.

Traxectoria

Diplomado en Maxisterio e Filoloxía Hispánica con especialidade en francés^[1], exerceu como mestre de EXB no CPI As Revoltas, en Cabana de Bergantiños. Foi elixido concelleiro neste municipio en 1973 polo terzo de entidades culturais^[2], e trala dimisión de Julián Tedín en 1977 para presentarse ás eleccións xerais por AP, foi elixido novo alcalde de Cabana. Nas eleccións municipais de 1979 encabezou a candidatura Agrupación Independente de Cabana e foi elixido alcalde cunha ampla maioría absoluta, con 9 concelleiros de 13. En 1983 encabezou a candidatura da coalición de AP co PDP e Unión Liberal e foi reelixido alcalde coa mesma maioría. En 1987 encabezou a candidatura da CPG e foi reelixido con 10 concelleiros. Foi un dos alcaldes desta coalición que respaldou o apoio de 3 dos seus deputados á moción de censura do socialista Salvador Fernández Moreda contra o popular José Manuel Romay Beccaría na Deputación da Coruña en xuño de 1989.

Nas municipais de 1991 encabezou o PSdeG-PSOE e foi reelixido cunha maioría absoluta de 9 concelleiros. En 1995 perdeu a alcaldía en favor do PPdeG, que logrou maioría absoluta. Nas municipais de 1999 conseguiu recuperala alcaldía ó perdela maioría absoluta os populares e alcanzar un pacto de goberno co BNG. Faleceu o 7 de xuño de 2000 na súa casa da Coruña, sendo sucedido na alcaldía polo tamén socialista Enrique Díaz Varela.^[3]

Predecesor: Julián Tedín	Alcalde de Cabana de Bergantiños 1977 - 1995	Sucesor: Manuel Barral Castro
Predecesor: Manuel Barral Castro	Alcalde de Cabana de Bergantiños 1999 - 2000	Sucesor: Enrique Díaz Varela

Vida persoal

Casou con María del Carmen Garrido Riveiro e tiveron 4 fillos^[4].

Notas

↑ Entrevista en La Voz de Galicia Carballo, 1-6-1999 p. 53.
↑ Entrevista en La Voz de Galicia, 13-7-1999 p. 41.
↑ "El alcalde de Cabana falleció tras 23 años de dedicación a la política local". La Voz de Galicia (en castelán). 8 de xuño de 2000.
↑ Necrolóxica en La Voz de Galicia, 9-6-2000 p. 83.

Véxase tamén

Outras páxinas

Eleccións municipais en Cabana de Bergantiños

[1] Entrevista en La Voz de Galicia Carballo, 1-6-1999 p. 53.

[2] Entrevista en La Voz de Galicia, 13-7-1999 p. 41.

[3] "El alcalde de Cabana falleció tras 23 años de dedicación a la política local". La Voz de Galicia (en castelán). 8 de xuño de 2000.

[4] Necrolóxica en La Voz de Galicia, 9-6-2000 p. 83.

[1]

[2]

[3]

[4]