Manuel Almunia Rivero

Na Galipedia, a Wikipedia en galego.
Saltar ata a navegación Saltar á procura
Manuel Almunia
AlmuniaWHU.jpg
Almunia xogando no West Ham en 2011
Información persoal
Nome completo Manuel Almunia Rivero
Nacemento 19 de maio de 1977
  Pamplona
Nacionalidade España
Altura 1,92 m
Posición Gardameta
Carreira xuvenil
CD Oberena
Carreira sénior
Anos Equipos Aprs (Gls)
1995–1999 Osasuna B 46 (0)
1999–2000 Osasuna 0 (0)
1999–2000Cartagonova (cedido) 3 (0)
2000–2001 Sabadell 29 (0)
2001–2004 Celta de Vigo 0 (0)
2001–2002Eibar (cedido) 35 (0)
2002–2003Recreativo (cedido) 2 (0)
2003–2004Albacete (cedido) 24 (0)
2004–2012 Arsenal 109 (0)
2011West Ham (cedido) 4 (0)
2012–2014 Watford 76 (0)
Total 328 (0)

* Partidos e goles só en liga doméstica.
† Aparicións (Goles)

editar datos en Wikidata ]

Manuel Almunia Rivero, nado en Pamplona o 19 de maio de 1977, é un ex-futbolista español que xogaba na demarcación de gardameta.

Traxectoria[editar | editar a fonte]

Formouse no CD Oberena da cidade navarra, que esta vinculado coma filial co Osasuna. Na tempada 1998/99 pasa a ser o porteiro titular do Osasuna Promesas. Ao ano seguinte pasa a ter contrato co primeiro equipo pero sairía cedido, primeiro ao Cartagena FC e ao CE Sabadell FC ao ano seguinte.

Tras o seu bo papel no Sabadell ficha polo Celta de Vigo no verán de 2001 ao rematar o seu contrato co Osasuna. Porén nunca chegaría a debutar co equipo vigués xa que foi cedido durante os tres anos que militou no equipo. Primeiro ao SD Eibar de Segunda División, onde gaña o Trofeo Zamora da categoría, e despois ao Recreativo de Huelva e Albacete Balompié de Primeira. Neste último equipo desbancaría da titularidade a todo on mito como o arxentino Roa.

Esta traxectoria ascendente fixo que no verán de 2004 volvese a Vigo pero so para asinar o seu traspaso ao Arsenal F.C. Inglés por un prezo de 6 millóns de euros.

Na Premier League[editar | editar a fonte]

No equipo dirixido por Arsène Wenger comezou como segundo porteiro, por detrás do alemán Jens Lehmann, disputando so os encontros da Copa da Liga e a FA Cup. O ano seguinte seguiu nas mesmas condicións pero chegou a disputar parte da final da Copa de Europa ao ser expulsado Lehmann ante o FC Barcelona, Almunia acabaría encaixando os dous goles que lle darían a vitoria ao equipo catalán.

Na tempada 2007/08 finalmente faise ca titularidade no campionato ligueiro, abrindose o debate incluso da conveniencia de que fora convocado ca Selección de fútbol de Inglaterra trala súa nacionalización[1]. Defendeu a portería gunner coma titular indiscutibel ata 2010 cando comezou a perder peso a causa do bo momento do gardameta polaco Wojciech Szczęsny.

O 30 de setembro de 2011 foi cedido ao West Ham United durante dous meses a causa da lesión do porteiro titular do equipo. Trala súa volta ao Arsenal en outubro dese mesmo ano non volvería disputar ningún encontro co equipo de Arsène Wenger, e rescindiría o seu contrato ao rematar a tempada[2].

Tras quedar libre fichou polo Watford F.C. no verán de 2012, onde renovou contrato ata 2014[3].

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]