Luz Rello Sánchez

Na Galipedia, a Wikipedia en galego.
Luz Rello Sánchez
Mural de Luz Rello, IES Almussafes. Avenida de la Foia, 1, 46440 Almussafes 01.jpg
Nacemento1984
Lugar de nacementoMadrid
NacionalidadeEspaña
Alma máterUniversidade Autónoma de Barcelona, Universidade Complutense de Madrid, Universidade Pompeu Fabra, INSEAD e University of Wolverhampton
Ocupaciónlingüista
PremiosEuropean Young Researchers' Award e Prince of Girona award
Na rede
Twitter: luzrello LinkedIn: luzrello Dialnet: 2549494 Editar o valor em Wikidata
[ editar datos en Wikidata ]

Luz Rello Sánchez, nada en Madrid, en 1984, é unha investigadora española, doutora pola Universidade Pompeu Fabra.[1] En 2013 converteuse na primeira española en recibir o premio European Young Researchers' Award (EYRA) (Premio para mozos investigadores europeos) outorgado pola asociación Euroscience polo seu traballo no campo da dislexia.[2][3]

Traxectoria[editar | editar a fonte]

Rello Sánchez realizou os seus estudos universitarios en Lingüística na Universidade Complutense de Madrid.[2][4] Posteriormente realizou estudos de mestría internacional en Procesamiento da Linguaxe Natural e Tecnoloxías da Linguaxe Humana, un programa conxunto da Universidade de Franche-Comté, en Francia, a Universidade do Algarve, en Portugal, a Universidade of Wolverhampton, en Inglaterra e a Universidade Autónoma de Barcelona, en España.[4]

En marzo de 2011 comezou os seus estudos de doutoramento na Universitat Pompeu Fabra, en Barcelona, España, desde onde leva a cabo as súas investigacións dentro do Departamento de Tecnoloxías da Información e as Comunicacións.[5][6] Leu a súa tese sobre DysWebxiaa text accessibility model for people with dyslexia, en 2014 en dita univesridad.[7]

Premios e recoñecementos[editar | editar a fonte]

Durante a súa traxectoria académica, Rello Sánchez obtivo máis dunha decena de premios, bolsas e recoñecementos; algúns deles son:[4][5][1][6]

  • Premio á Excelencia Académica da Comunidade de Madrid 2007 - 2008
  • Premio aos mellores estudantes de licenciatura da Universidade Complutense de Madrid 2007
  • Premio á mellor estudante de mestría 2008 - 2010
  • Bolsa de doutoramento da Generalitat de Cataluña 2011 - 2014
  • Bolsa Google Anita Borg 2011.[8]
  • Bolsa Santander para Novos Profesores e Investigadores 2012
  • En 2013, Rello Sánchez foi galardoada co European Young Researchers' Award (EYRA) (Premio para mozos investigadores europeos), o cal outorga a organización Euroscience, unha asociación independente de promoción e fomento científico e tecnolóxico en Europa, polo seu traballo de investigación na área de ciencias da computación e accesibilidade para persoas con dislexia.[9][10][5]
  • En 2018 recibiu o Premio Mujeres a Seguir.[11]

Proxectos[editar | editar a fonte]

Change Dyslexia[editar | editar a fonte]

Luz Rello crea en 2015 a empresa social Change Dyslexia co fin de pór en práctica máis de 6 anos de investigación por medio dunha organización independente que ten como principal obxectivo a redución global das taxas de abandono escolar debidas á dislexia. A dislexia é normalmente un trastorno oculto e escasamente tratado, a pesar da súa elevada prevalencia, estimada entre o 7% e 10% da poboación.

DysWebxia[editar | editar a fonte]

O traballo de doutoramento de Rello Sánchez céntrase na dislexia e no desenvolvemento dun modelo que lle facilite o acceso a Internet ás persoas que padecen esta dificultade de aprendizaxe; o modelo de traballo chámase DysWebxia[2] e baséase en dúas premisas: na estrutura da páxina web a partir da súa linguaxe de programación, e no contido, especificamente no desenvolvemento do texto, xa que as aplicacións actuais que facilitan o acceso á Internet a persoas con dislexia só modifican o deseño da páxina ou do sitio web, pero non o seu contido.[12]

O modelo xa foi integrado en dúas aplicacións, unha directamente en liña no facilitador text 4 all dyswebxia, o cal adapta unha páxina web normal a unha accesible para persoas con dislexia, e outra no software lector de textos IDEAL Group Reader, o cal permite ás persoas con dislexia acceder a textos adaptados para eles a través de texto ou por audición.[13][14][15]

Dyseggxia[editar | editar a fonte]

Rello Sánchez é cofundadora dunha compañía chamada Cookie Cloud, coa que desenvolveu un xogo con exercicios de texto orientado a nenos con dislexia.[16] O xogo ofrece tres niveles de dificultade e cada un conta con cinco tipos diferentes de exercicios: inserción, omisión, substitución, derivación e separación de frases.[17]

O xogo é ofrecido de forma gratuíta para os sistemas operativos iOS e Android. Aínda que a versión orixinal do mesmo foi desenvolvida en español, Rello Sánchez e os seus colegas están a desenvolver unha versión en inglés e outra en catalán.[18]

Vida persoal[editar | editar a fonte]

A motivación de Rello Sánchez para dedicarse ao traballo de dislexia orixinouse na súa experiencia persoal, xa que ela mesma padeceu esta dificultade de aprendizaxe durante a súa nenez.[2][19] Despois de alcanzar os seus triunfos académicos e de mantelo como un segredo, decidiu confesarllo ao profesor Ricardo Baeza-Iates, quen a impulsou a facer os estudos de doutoramento e quen se convertería no seu supervisor no mesmo.[19]

Rello Sánchez describiu a súa experiencia coa enfermidade como moi difícil e recoñeceu que nesa época xamais imaxinou que terminaría estudando un doutoramento e menos, que terminaría a escola primaria:[19]

Rello Sánchez tamén escribiu contos e artigos de índole literario e unha obra de teatro chamada "Blancanieves e sacaranche os ollos", a cal foi posta en escena no teatro madrileño Pablo Iglesias, en decembro de 2005. Así mesmo, gústalle deseñar ambigramas, dos cales fixo máis dunha centena.[20]

Notas[editar | editar a fonte]

  1. ↑ 1,0 1,1 Fundació "la Caixa". "Beques de "la Caixa" per a estudis de Màster a Espanya" (PDF) (en catalán). Consultado o 3 de xullo de 2013. [Ligazón morta]
  2. ↑ 2,0 2,1 2,2 2,3 Puri Caro (3 de xullo de 2013). 20minutos.com, ed. "Luz Rello, mejor investigadora joven de Europa: "Se está yendo fuera mucha gente buena"". Consultado o 3 de xullo de 2013. 
  3. ↑ "EYRA 2013 laureate has been selected by EuroScience" (en inglés). 2013-06-12. Consultado o 2021-08-05. 
  4. ↑ 4,0 4,1 4,2 Luz Rello. "CV" (en inglés). Consultado o 3 de xullo de 2013. 
  5. ↑ 5,0 5,1 5,2 Universitat Pompeu Fabra (14 de xuño de 2013). "Luz Rello obtains the European Young Researchers Award 2013" (en inglés). Arquivado dende o orixinal o 31 de xullo de 2013. Consultado o 3 de xullo de 2013. 
  6. ↑ 6,0 6,1 Luz Rello. EuroScience.org, ed. "Cover page - Luz Rello" (PDF) (en inglés). Consultado o 9 de xullo de 2013. [Ligazón morta]
  7. ↑ Sánchez, Luz Rello (2014). "DysWebxia: a text accessibility model for people with dyslexia" (en castelán). Universitat Pompeu Fabra. Consultado o 2021-08-06. 
  8. ↑ "Home - Institut de Biologia Evolutiva - CSIC UPF (UPF)". Consultado o 2021-08-06. 
  9. ↑ Euroscience.org. "Euroscience has selected the winner of the 2013 European Young Researchers' Award!" (en inglés). Arquivado dende o orixinal o 5 de xullo de 2013. Consultado o 3 de xullo de 2013. 
  10. ↑ EuroScience.org. "Euroscience Strategy 2012-2015" (en inglés). Arquivado dende o orixinal o 9 de maio de 2013. Consultado o 3 de xullo de 2013. 
  11. ↑ "Ganadoras Premios MAS : Mujeres a seguir". Consultado o 30 de decembro de 2018. 
  12. ↑ Luz Rello. Academia.edu, ed. "DysWebxia: A Model to Improve Accessibilityof the Textual Web for Dyslexic Users" (en inglés). Arquivado dende o orixinal o 08 de novembro de 2014. Consultado o 8 de xullo de 2013. 
  13. ↑ Luz Rello. "DysWebxia 2.0!" (en inglés). Consultado o 9 de xullo de 2013. 
  14. ↑ text4all. "About - text4all project" (en inglés). Consultado o 9 de xullo de 2013. 
  15. ↑ Steve Jacobs (7 de maio de 2012). The White House, ed. "STEM Education Success Powered by IDEAL’s ePub3 Reader" (en inglés). Consultado o 9 de xullo de 2013. 
  16. ↑ Luz Rello. "Dyseggxia" (en inglés). Arquivado dende o orixinal o 24 de xuño de 2013. Consultado o 9 de xullo de 2013. 
  17. ↑ Luz Rello, Clara Bayarri y Azuki Gorriz (Sin fecha). "What is Wrong with this Word? Dyseggxia: a Game for Children with Dyslexia" (PDF) (en inglés). Arquivado dende o orixinal (PDF) o 4 de marzo de 2016. Consultado o 9 de xullo de 2013. 
  18. ↑ 543pul (8 de xullo de 2013). MyTechNews.net, ed. "Dyseggxia, A Game That Can Help With Dyslexia" (en inglés). Arquivado dende o orixinal o 15 de xullo de 2013. Consultado o 9 de xullo de 2013. 
  19. ↑ 19,0 19,1 19,2 Daisy Consortium. "Luz Rello" (en inglés). Arquivado dende o orixinal o 25 de xuño de 2013. Consultado o 3 de xullo de 2013. 
  20. ↑ Luz Rello. "Personal - Creative writing" (en inglés y español). Consultado o 9 de xullo de 2013. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Luz_Rello_Sánchez&oldid=5930793»