Liga Gallaecia

Na Galipedia, a Wikipedia en galego.
Saltar ata a navegación Saltar á procura
Os equipos de fútbol gaélico: Torques de Lugoslavia, Suêvia e Cascarilha, escoitan o himno nacional galego na inauguración da I Xornada da Liga Gallaecia de fútbol gaélico. Nadela (Lugo, Galicia), 5 de outubro de 2013.

A Liga Gallecia é unha competición de fútbol gaélico que se xoga en Galicia con equipos mixtos de homes e mulleres[1], sen recoñecemento da Asociación Atlética Gaélica[2]. Os equipos que optan por esta opción son o Suévia Fútebol Gaélico de Compostela [3], o Ambílokwoi Futebol Gaélico de Vigo, Afiadoras Futebol Gaélico de Ourense, Torques de Lugoslavia de Lugo, Cascarilha da Coruña e Condado Gaélico das Neves. O equipo mixto de Pontevedra (Corvos FG) chegou a adestrar durante uns meses pero o proxecto quedou paralizado. Na actualidade este modelo está sendo imitado en Almería.

Historia[editar | editar a fonte]

A Liga Gallaecia foi presentada o 7 de agosto de 2013[4], xogando nese mesmo mes varios partidos de pretemporada no marco das Olimpíadas Rurais de Meira[5]. A primeira xornada de liga[6] celebrouse no campo de fútbol de Nadela (Lugo), o 5 de outubro de 2013, cos encontros de Torques de Lugoslavia vs Afiadoras de Ourense e Cascarilha da Coruña vs Suévia de Santiago de Compostela. Resultando campións de Liga Ambilokwoi de Vigo.

Na tempada 2014-2015, disputouse a segunda liga mixta da Liga Gallaecia saíndo de novo vencedor Ambílokwoi. Na seguinte 2015-2016 faríase co título O Condado na súa primeira participación. Na súa cuarta edición (2016-2017) Torques de Lugoslavia fíxose co seu primeiro título. Na quinta e actual tempada 2017-2018 o aumento de equipos até acadar o total de dez fixo que se modificase o sistema de competición. Nunha primeira fase de liguilla dividida en 2 grupos (Norte e Sur) enfróntanse os equipos a dúas voltas. Os dous primeiros de cada grupo e o mellor terceiro han competir nun novo grupo en formato liga polo titulo a unha volta. Os restantes equipos competirán noutra fase, tamén a volta única, para decidir a súa posición na liga[7]

O organismo coordinador da Liga Gallaecia ten previsto manter contactos con incipientes equipos mixtos de Irlanda e Bretaña coa finalidade de recoñecelos oficialmente.

Resultados da liga regular[editar | editar a fonte]

Táboa histórica de resultados do campionato regular da Liga Gallaecia dende a súa creación no ano 2013:

Equipo 17 16 15 14 Anos Puntos Títulos
Ambílokwoi FG 5 2 1 1 3 45 2
Suevia FG 4 3 2 2 3 40 -
Torques de Lugoslavia 1 4 4 3 3 38 1
Afiadoras FG 3 5 3 4 3 31 -
Condado FG 2 1 - - 1 30 1
Cascarilha FG 6 6 5 5 3 12 -
Buril FG - - - - 0 0 -
Fanekas FG - - - - 0 0 -
Fusquenlha FG - - - - 0 0 -
Gróvias FG - - - - 0 0 -

Notas[editar | editar a fonte]

  1. "Non o perdas, a Liga Gallaecia está por comezar", artigo en Praza Pública, 12 de agosto de 2013.
  2. "Non ao fútbol gaélico mixto", artigo en Galicia Confidencial, 15 de xaneiro de 2014.
  3. "Eva Cortinhas, do Suévia FG, de Compostela: "Pretendemos fomentar o desporto de base"". Arquivado dende o orixinal o 14 de outubro de 2013. Consultado o 11 de abril de 2014. 
  4. "Presentación da Liga Gallaecia de futebol gaélico", rolda de prensa, 7 de agosto de 2013 (en YouTube).
  5. "Volta do verán: Olimpíadas Rurais e curso de fotografía". Arquivado dende o orixinal o 15 de outubro de 2013. Consultado o 11 de abril de 2014. 
  6. "Para a história do desporto galego: Crónica da primeira jornada da Liga Gallaecia" Arquivado 14 de outubro de 2013 en Wayback Machine., artigo en Diario Liberdade, 9 de outubro de 2013.
  7. "Apresentaçom da temporada 2017-2018 | Liga Gallaecia". www.ligagallaecia.org (en portugués). Consultado o 2017-11-13. 

Véxase tamén[editar | editar a fonte]

Ligazóns externas[editar | editar a fonte]