Laura Mintegi

Laura Mintegi
	;
Biografía
Nacemento	(eu) Laura Mintegi Lakarra ; 26 de outubro de 1955 (68 anos); Lizarra, España
Deputado do Parlamento do País Vasco
	20 de novembro de 2012 – 31 de agosto de 2014 ; Circunscrición electoral: Biscaia
Deputado do Parlamento do País Vasco
	20 de novembro de 2012 – 31 de agosto de 2014 – Iker Casanova Alonso (en) → ; Lexislatura: X lexislatura do Parlamento Vasco ; Circunscrición electoral: Biscaia
Q89278619 Parlamento Vasco
	21 de xaneiro de 2012 – xullo de 2014
Datos persoais
País de nacionalidade	España
Educación	Universidade do País Vasco
Actividade
Ocupación	escritora , profesora universitaria , política
Empregador	Universidade do País Vasco
Partido político	Herri Batasuna ; Euskal Herria Bildu
Membro de	Udako Euskal Unibertsitatea (pt) ; Euskaltzaindia
Lingua	Lingua éuscara e lingua castelá

Laura Mintegi Lakarra, nada en Lizarra (Navarra) o 26 de outubro de 1955, é unha escritora, profesora e política vasca. No ano 2012 foi candidata a lehendakari pola formación política Euskal Herria Bildu.

Traxectoria[editar | editar a fonte]

Aínda que navarra de nacemento, dende nena vive en Biscaia, os primeiros anos en Bilbao e ultimamente en Algorta (Getxo).

É licenciada en Historia e doutora en Psicoloxía. Dende 1981 é profesora do Departamento de Lingua e Didáctica da Literatura da Universidade do País Vasco. Foi directora de Departamento dende o ano 1999 ao 2006 e, de novo, dende o 2010 até hoxe. Ademais é presidenta do PEN Club. Euskaltzaindia (a Academia da Lingua Vasca) nomeouna membro correspondente no ano 2006.

Atinxiu algúns premios literarios entre eles o Azkue de Novela, o da Cidade de Donostia e o Jon Mirande. Así mesmo foi membro do xurado doutros premios como o Certame de Narrativa María Maeztu, da Beka Joseba Jaka, do de Xornalismo Rikardo Arregi, do Anton Abaddia e do de Dereitos Humanos René Cassin. Colaboradora habitual quer nos medios audiovisuais (ETB, Hamaika Telebista, Bizkaia Irratia, Egin Irratia, Bilbo Hiria Irratia e Euskadi Irratia) quer nos escritos (Anaitasuna, Argia, Susa, Ttu-ttuá. Egin, Egunkaria, Gara, Berria, Jakin, Hegats e outros).

Traballos[editar | editar a fonte]

Na base de dados da comunidade científica vasca Inguma, aparecen mais de 40 traballos escritos por Laura Mintegi.^[1]

Narración[editar | editar a fonte]

Ilusioren ordaina ("O prezo da ilusión"), 1983, Erein

Novela[editar | editar a fonte]

Bai… baina ez ("Si... pero non"), 1986, Susa. Reeditada en Elkarlanean, 1999.
Legez kanpo ("Fóra da lei"), (1991, Elkar)
Nerea eta biok ("Nerea e mais eu"), (1994, Txalaparta); traducido ao inglés.
Sisifo maite minez ("Sísifo namorado"), (2001, Txalaparta); traducido ao castelán e holandés.
Ecce homo (2006, Txalaparta); traducido ao castelán e alemán, e aparecido en alfabeto braille.

Ensaio[editar | editar a fonte]

Sujektibitatea euskal nobelagintzan: Stephen Crane-ren "The Red Badge of Courage" (A Subxectividade na novela vasca: "O vermello emblema da coraxe" de Stephen Crane) (1999, EHU - Universidade do País Vasco)