Labor Gallega (A Habana)
Labor Gallega foi unha revista editada na Habana entre 1913 e 1917.
Historia e características[editar | editar a fonte]
Subtitulada Ilustración mensual, apareceu en decembro de 1913. Tivo como precedente a Pro-Galicia. Revista ilustrada de periodicidade variable, estaba dirixida por Juan Vicente Martínez Quelle, e foi voceiro das sociedades galegas de instrución en América. De tendencia anticaciquil, estivo próxima a Acción Gallega. Entre os seus colaboradores estaban: Ramón Cabanillas, Enrique Zas, Severino T. Solloso, Manuel Gondell Linares, José María Calveiro, Senén Rendueles, Enrique Rivera Suárez, Juan Rivero, Juan Beltrán, Antonio Freire Montero e Abdón Rodríguez Santos. Incluíu temas culturais e pedagóxicos, poesías e narracións, relatos de viaxes e notas de carácter histórico. A partir de maio de 1916 pasou a denominarse Labor Gallega en Cuba. Cesou a súa edición en febreiro de 1917.
Véxase tamén[editar | editar a fonte]
Bibliografía[editar | editar a fonte]
- Neira Vilas, Xosé (2011). A prensa galega de Cuba. Centro Ramón Piñeiro para a Investigación en Humanidades. ISBN 978-84-453-5020-1. Arquivado dende o orixinal o 22 de abril de 2018. Consultado o 21 de abril de 2018.
- Santos Gayoso, Enrique (1990). Historia de la Prensa Gallega 1800-1986. Sada: Ediciós do Castro. ISBN 84-7492-489-8.