José María Calveiro

Na Galipedia, a Wikipedia en galego.
José María Calveiro
Nacemento1891
Lugar de nacementoDornelas
Falecementoséculo XX
NacionalidadeEspaña
Ocupaciónxornalista e escritor
IrmánsAdolfo Víctor Calveiro
editar datos en Wikidata ]

José María Calveiro Couto, nado en Dornelas (Silleda) en 1891, foi un xornalista e escritor galego.

Traxectoria[editar | editar a fonte]

Irmán de Adolfo Víctor Calveiro, viviu na súa xuventude en Madrid unha existencia bohemia, e naqueles anos fixo amizade con Emilio Carrere e colaborou con Baltasar Pagés na revista España Nueva. Emigrou a Cuba e residiu na Habana ente 1906 e 1932, exercendo diversos oficios como os de xastre e reloxeiro. Foi membro da Agrupación Artística Gallega.[1] Colaborou en Labor Gallega, onde publicou algúns poemas, e tamén en Alma Gallega, Heraldo de Galicia, Diario de la Marina e Eco de Galicia. Foi correspondente do Diario Español na vila de Caimito (Cuba) e xefe de redaccción de Juvencia,[2] así como director de Atenea. En 1925 publicou o poemario Jardines de ensueño. Foi un dos fundadores da Irmandade Nazonalista Galega da Habana.

En 1932 retornou á súa parroquia natal, Dornelas, aínda que en 1934 residía en Madrid, pero dende aquel ano non se volveu saber máis del.

Obras[editar | editar a fonte]

  • Jardines de ensueño, 1925.

Notas[editar | editar a fonte]

  1. Heraldo de Galicia, 23-5-1920, p. 4.
  2. Eco de Galicia, 5-2-1922, p. 3.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]